Поради големото количество обилен снег, во подножјето на Торник на Златибор паднаа два далновода и неколку дрвени столба, па селата Стубло и Јабланица се без струја 30-ина часа, пренесуваат медиумите во регионот.

Според „Нова.рс“, екипите задолжени за санирање на дефектот денеска излегле на терен. Врз основа на процената на моментната состојба, имајќи ги предвид количината снег и паднатите дрвја што ја предизвикаа несреќата, струја и во текот на овој ден нема да добијат две златиборски села.

Големото количество снег натежнал над боровите стебла, кои од тежината се откорнале, па десетици од нив паднале на струјните кабли. Во овој дел на Златибор моментно има густа магла, а снегот е висок 60-ина сантиметри, јавуваат тамошните медиуми.

Косовскиот премиер Албин Курти ја повика меѓународната заедница да изврши притисок врз Србија да го предаде Милан Радоичиќ на косовските власти, нагласувајќи дека овој српски политичар и претприемач е „клучната причина“ за нападите што се случија и може да се случат во Косово во иднина.

На вчерашната прес-конференција во Приштина, по нападот на каналот Ибар-Лепенец на северот на Косово пред два дена, Курти истакна дека одбивањето на Србија да го екстрадира Радоичиќ претставува клучен предизвик за решавање на актуелната ситуација, јавува Радио Слободна Европа на албански јазик.

This is the damage caused by the the terrorist attack on Kosovo's critical water supply system. pic.twitter.com/zN82Avk6IC

— Admirim (@admirim) November 30, 2024

Косовските власти издадоа налог за апсење и го обвинија Радоичиќ, поранешен потпретседател на Српската листа, политичката партија на Србите на Косово, кој ја презеде одговорноста за смртоносниот напад врз косовската полиција во Бањска во септември 2023 година.

Kosovo police carried out raids and made arrests after an explosion damaged a canal that sends water to two power plants responsible for nearly all the country's electricity https://t.co/ASw9giATxn pic.twitter.com/jkMzKBM7Qs

— Reuters Asia (@ReutersAsia) December 1, 2024

Курти изјави дека, доколку Радоичиќ не беше ослободен во Србија, драстично ќе беа намалени шансите за реализација на сите овие напади што се случија, како и идните напади што ги планираат. „Ги повикуваме меѓународните фактори да извршат притисок врз Белград за главниот виновник Радоичиќ да им биде предаден на институциите на Косово. Ако Србија се сомнева дека Радоичиќ нема да има правично судење на Косово, го имаме ЕУЛЕКС кој ги надгледува сите случаи на Косово. Затоа тој треба да биде екстрадиран на Косово“, рече Курти.

Претседателот на Србија, Александар Вучиќ, во обраќањето до јавноста ги коментираше инцидентот во општина Зубин Поток и актуелната состојба на Косово и Метохија, наведувајќи дека во саботата бил извршен обид за „голем и жесток хибриден напад“ врз Србија.

– Вчера се соочивме со обид за сериозен хибриден напад врз нашата земја. Следевме внимателно што соопштуваа претставниците на Приштина, нивните меѓународни поддржувачи и медиумите, но речиси немаше факти во нивните тврдења – изјави Вучиќ на почетокот од своето обраќање.

Вучиќ објасни дека силна експлозија одекнала во реонот помеѓу селата Вараге и Угљара, во општина Зубин Поток. Инцидентот се случил на локацијата каде што се наоѓа каналот Ибар-Лепенац.

Според него, веднаш по експлозијата, на местото пристигнале припадници на косовската полиција, а подоцна и сили на КФОР.

Експлозијата предизвика оштетување на каналот Ибар-Лепенац, што доведе до прекин во снабдувањето со вода и струја во регионот на Грачаница и околните места.

– Истрагата ќе покаже кој е одговорен за експлозијата – додаде Вучиќ, нагласувајќи дека и српските, и косовските институции ја спроведуваат својата истрага за инцидентот.

Во своето обраќање, претседателот ги повика граѓаните да останат смирени, додека истрагата не утврди конкретни детали за причините и одговорните лица.

Овој инцидент доаѓа во време на веќе тензични односи меѓу Србија и Косово, а оштетувањето на виталната инфраструктура дополнително го усложнува секојдневието на граѓаните во регионот.