Регион
„Сестро, се плашам, ве сакам“: последните пораки на девојката која почина по вадење заб во Сараево

Во изјава за „Аваз“, Ајла, сестрата на Џејла Драпиќ, се присетува на последните денови поминати со нејзината сестра, тешките моменти во болницата и празнината што ја остави Џејла, која почина по интервенцијата на стоматолог.
„Поминавме многу време заедно. Моите деца, иако се мали, секоја минута ја бараат својата тетка, бидејќи таа ги сакаше безусловно и поминуваше многу време со нив. Душата ми е растргната затоа што мојот Рејан, кој е најмал, нема ни да ја памети, а таа постојано го лулаше, го галеше, се грижеше за него. Мојата Ејна беше нејзиниот секогаш до неа“, никогаш не се разделија. Како понатаму, се прашувам“, низ солзи раскажува Ајла, сетсрата на девојката што почина по вадење на заб во Сараево.
Според нејзината сестра, Џејла само чекала да се врати од болница дома.
„Постојано ме прашуваше: Сестро, кога ќе одам дома? Но, најтешките моменти ми беа пред последната операција. Ми велат дека мора итно да се оперира. Ми праќа пораки: „Сестро, се плашам, те молам учи за мене. Ве сакам’, таа постојано повторуваше дека многу не сака“, го опишува последниот контакт на Ајла со нејзината сестра пред операцијата.
Тамошните медиуми потсетуваат дека шеснаесетгодишната Џејла го загуби животот во Клиничкиот центар на Универзитетот во Сараево (КЦУС) откако претрпе тешки компликации при стоматолошка процедура во приватна ординација во Сараево.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ: Очекувам да се сретнам со Доналд Трамп во следните два месеци

Српскиот претседател Александар Вучиќ изјави дека се надева дека ќе се сретне со американскиот претседател Доналд Трамп во следните два месеци.
„Очекувам да ја имам таа средба. Тој е премногу зафатен, секогаш е можно нешто да се смени, датумот се уште не е одреден, но знаете дека јас сум многу внимателен кога зборувам за тоа. Тоа би било огромна чест за нашата Србија и верувам дека е изводливо“, изјави Вучиќ.
Зборувајќи за вчерашниот телефонски разговор со францускиот претседател Емануел Макрон, како и за нивната средба во април, Вучиќ рече дека секогаш имаат неколку важни теми за разговор.
„Вчера поминавме низ неколку важни теми. Понекогаш разговараме ненадејно. Како што оди по државен протокол, тоа е закажано и се чека пет до седум дена“, рече Вучиќ.
Регион
Продолжен притворот за 10 осомничени за уривање на настрешницата во Србија

Високиот суд во Нови Сад го продолжи притворот на осомничените во истрагата за уривањето на настрешница на Железничката станица во Нови Сад на 1 ноември за уште 30 дена, соопштија од Вишиот суд во Нови Сад.
Продолжен е и куќниот притвор на сите осомничени.
На крајот на минатата година беше поднесен обвинителен акт против 13 лица.
Регион
Деканката на филозофскиот факултет од Ниш нападната со нож, вечерва собир за поддршка

Вечерва во Ниш се случува собир за поддршка на нападнатата деканка Наталија Јовановиќ.
Студентите велат дека ова е втор напад врз деканката Наталија Јовановиќ, но и уште еден во низата напади врз оние кои сакаат на фер начин да дојдат до вистината.
„Никогаш не сме молчеле за насилството, ниту ќе поминеме со наведнати глави покрај него. Ги повикуваме сите граѓани кои се желни за правда да ни се придружат на овој митинг“, се вели во повикот.
Деканката на Филозофскиот факултет на Универзитетот во Ниш, Наталија Јовановиќ денеска беше повредена со нож за време на собир на студенти и други граѓани.
Таа беше пренесена во Ургентниот со исеченица на раката, а потоа пуштена на домашно лекување.
„Доживеав голем стрес, останува само да се распарчиме. Нема потреба вака да продолжат тензиите, а знаеме кој ги шири, обвинувам една личност, таа ми извади нож, а тоа е претседателот на оваа држава“, изјави Јовановиќ, пренесе Н1.
За нападот уапсена е 69 годишна жена, поради сомнение дека сторила кривично дело насилничко однесување на спортски настан или јавен собир.