Регион
Се’ уште се трага по телото на Данка – улогата на форензичарите може да го одреди движењето на девојчето
Како е можно телото на двегодишната Данка Илиќ, веднаш по апсењето и признанието на осомничените, се уште да не е пронајдено е клучното прашање во овој момент.
Треба да се земе предвид и дека во потрагата покрај големиот број полицајци и специјалци, биле вклучени и граѓани, а меѓу нив е и еден од осомничените, изјави за Еуроњуз Србија, пензионираната полковничка, Славица Радовановиќ.
Таа вели и дека во овој случај улогата на форензичарите е многу важна, особено на почетокот на истрагата, бидејќи, како што објаснува, информациите до кои дошле форензичарите во првите часови го диктираат натамошниот тек на истрагата.
„Многу е важно местото каде што последен пат е видено девојчето да биде обезбедено до пристигнувањето на екипата која ќе продолжи да истражува. Во текот на самата истрага, која е позната како прелиминарна истрага, можно е да се открие повеќе или одредена количина на докази кои можат да бидат показатели во која насока треба да се насочи истрагата“, вели таа.
Имено, како што објаснува, на овој начин би можело да се утврди точното движење на девојчето, во кој правец тргнала и каде и се последните траги, како и дали во нејзина непосредна близина се движело некое возило.
Министерот за внатрешни работи Братислав Гашиќ изјави на денешната прес-конференција дека на двајцата осомничени им е извршено полиграфско тестирање, како и дека возачот имал задоцнета реакција, додека совозачот имал реакција, по што им биле одземени возилата.
Радовановиќ забележува дека иако не е доказно средство, полиграфот може да ја насочува и истрагата и дека имало елементи двајцата осомничени да бидат приведени веќе по полиграфското вештачење.
„Не можам да ја разберам задоцнетата реакција на полиграфот. На полиграфот или имаш реакција или немаш, бидејќи системот е таков што ја бележи твојата внатрешна состојба, односно реакцијата на поставените прашања. Без разлика кога се случува реакцијата, дали, според министерот, билa задоцнета, во тој момент луѓето стануваат осомничени и се води сериозен оперативен разговор со тие луѓе“, вели таа.
По веста дека денеска се уапсени двајцата мажи бидејќи се осомничени за убиство на двегодишното девојче, некои прашања не добија конечен одговор. Главното е што и покрај признанието на осомничените, потрагата по телото на детето се уште трае. Покрај околината на Бор, се пребарува и просторот во едно од двете села од кои потекнуваат осомничените за нејзиното убиство.
Имено, постои можност телото на девојчето да е префрлено на друго место. Овој сомнеж го поткрепуваат сознанијата на полицијата дека еден од осомничените се вратил на депонијата на 28 март.
Радовановиќ вели дека сите овие информации отвораат многу други прашања – од тоа дали е во ред граѓаните да се вклучат во потрагата, бидејќи еден од осомничените бил вклучен во тоа, до што се случило со телото и каде се наоѓа.
„Во овој момент не ми е ни јасно како не се знае местото каде е телото на девојчето. Сега се обвинуваат меѓусебно и телото не може да се најде. Така што според информациите што ги слушнавме тие се тие кои ја однеле Данка кај некоја од депониите. Тоа се сите работи каде што навистина треба полицијата да постапи поефикасно и побрзо. Не ја намалувам важноста на полицијата, таа е голема, но факт е дека слушнавме разни шпекулации. Јавноста е вознемирена за се што се случува“, вели таа.
Радованиќ укажува и на околностите во кои се бараше Данка изминативе десетина дена.
„Многу е можно тие, имајќи информации што претресувала полицијата и во кој правец имала намера да претресе, па можеби дури и го преместувале телото од место на место. Ова се само дел од моите претпоставки и затоа многу е важно кога зборуваме за вклучување на граѓаните, многу е важно да се знае кои се тие граѓани кои учествуваат во таа потрага, во тој момент беше и ноќ и беше пријавено доцна, сега можеме само да претпоставиме. Ако двајцата сега се приведени, тогаш тие имаат информации каде е телото, бидејќи знаат што направиле“, вели таа.
Сите понатамошни околности, додава, ќе се знаат дури кога ќе биде пронајдено телото на девојчето и ќе се изврши обдукција.
„Секако дека судската медицина може да одговори на прашањата за девојчето, но прво треба да се најде“, додаде таа.
Данка Илиќ исчезна на 26 март во Бањско Поље кај Бор додека си играла со мајка си и постариот брат. Поради неа во Србија за прв пат беше активиран системот „Најди ме“, а потрагата траеше десетина дена, додека полицијата денес не соопшти дека се уапсени две лица осомничени за убиство на дете.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Жителите на Нови Пазар утрово ги разбуди слаб земјотрес, известуваат медиумите во Србија.
Јачината на земјотресот е 2,5 степена според Рихтеровата скала, а е регистриран во 7.37 часот.
Се проценува дека интензитетот на ударот во епицентарот е III-IV од Меркалиевата скала.
Регион
(Видео) Градоначалникот на Белград му се закани на маж и му го фрли мобилниот: Се чувствувал загрозен, објавија српските медиуми
Александар Шапиќ, градоначалник на Белград и кандидат за нов мандат на СНС, денеска предизвика инцидент и му го скрши мобилниот телефон на маж.
Имено, Шапиќ се појави на прес-конференција на која требаше да зборува за отстранување на сплавовите на савскиот насип, а потоа почна да разговара со граѓаните, што набрзо доведе до инцидентот.
По краток разговор тој почнал да си оди, кога еден од граѓаните почнал да го снима. Во тој момент Шапиќ му го зел мобилниот телефон и го скршил, пренесува Нова.рс.
Prostački napada @AcaSapic na aktiviste- otimanje telefona, razbijanje o beton i salva pretnji i uvreda tzv. gradonačelnika danas na Savskom keju. pic.twitter.com/6ImjFn9JQ1
— Petar Djuric (@Petar__Duric) May 9, 2024
Имено, како што пишува српскиот портал, мажот прашал до која година може да се легализираат дивоградбите, по што Шапиќ бурно реагирал.
На снимката се слуша како еден човек вели дека Шапиќ почнал да се заканува, со неколку пцовки, по што Шапиќ му го скршил мобилниот телефон.
Не е првпат неговите конференции да бидат обележани со физички инциденти и навреди.
Човекот кому Шапиќ му го скрши мобилниот телефон е активистот Александар Цвркотиќ, кој за Данас изјави дека го прашал кандидатот на СНС до кога може да се легализираат објектите. „Слушнав дека неговата куќа е изградена по годината пропишана со закон“, рече Цвркотиќ.
Регион
Кси Џинпинг му подари скулптури на Вучиќ кои го симболизираат кинеско-српското пријателство
За време на официјалната посета на Белград, кинескиот претседател Кси Џинпинг на српскиот претседател Александар Вучиќ му подари скулптури на Небесниот храм во Пекинг и Храмот на Свети Сава изработени од челик.
Фотографија на Кси Џинпинг и Вучиќ во присуство на нивните сопруги кои ги гледаат подароците беше објавена на интернет од страна на помошничката министерка за надворешни работи на Кина, Хуа Чунјинг, а пренесена од Спутник.
President Xi gifted President Vučić sculptures made of steel produced by the HBIS Smederevo steel plant. pic.twitter.com/66Mh5cae5v
— Hua Chunying 华春莹 (@SpokespersonCHN) May 9, 2024
Таа во најавата наведе дека на скулптурите се претставени небесниот храм во Пекинг и храмот Свети Сава во Белград, кои го симболизираат кинеско-српското пријателство.