Регион
Силен топлотен бран во Грција: доктори распоредени во Атина, добиено предупредување поради високите температури

Грција беше погодена од првиот топлотен бран во сезоната, кој ги затвори училиштата, како и археолошките локалитети, како Актрополис, а лекари беа распоредени во Атина.
Како што јави „Ројтерс“, метеоролозите предвидуваат дека температурата денеска и утре ќе достигне 43 Целзиусови степени. Акропол денеска ќе биде затворен од пладне до 17 часот, а два дена ќе бидат затворени и многу основни училишта и градинки во државата.
Минатата година високите температури поттикнаа разорни пожари и дождови предизвикаа некои од најголемите поплави досега, според „Ројтерс“. Високи температури беа забележани минатата година во поголемиот дел од јужна Европа, вклучувајќи ги Португалија, Франција, Шпанија и Италија.
Пожарите оваа година во Грција почнаа порано од очекуваното, вклучително и оној во март. По минатогодишните разорни шумски пожари, Грција ги засили подготовките за гаснење пожари ангажирајќи повеќе персонал и засилувајќи ја обуката за спасувачите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Ужас во Јагодина: Внук ги заклал бабата и дедото и избегал

Двојно убиство се случило во близина на Јагодина. Според првичните информации М.М. (39) ги заклал бабата Р.Ж. (76) и дедото Р.М. (79) и избегал. Неофицијално, убиството се случило во селото Богава, општина Деспотовац, а телата на сопружниците биле пронајдени рано утрово во семејната куќа.
Полицијата е на местото на настанот и во тек е истрага, а пристигнати се и обвинителот на Вишото јавно обвинителство во Јагодина.
Регион
Шеќеринска: НАТО нема да дозволи безбедносен вакуум во БиХ

Заменичката на генералниот секретар на НАТО, Радмила Шеќеринска, денес изјави дека алијансата нема да дозволи безбедносен вакуум во Босна и Херцеговина, откако српскиот лидер Милорад Додик објави дека ќе побара од Москва да ја прекине воената мисија ЕУФОР во таа земја.
Шеќеринска изјави дека НАТО е „трајно посветен на суверенитетот и територијалниот интегритет на Босна и Херцеговина“.
Таа додаде дека НАТО нема да дозволи дестабилизација во Босна и Херцеговина, соопшти канцеларијата на бошњачкиот член на колективното претседателство на Босна и Херцеговина, Денис Беќировиќ, кој се сретна со претставничката на НАТО.
„Без оглед на исходот од претстојната седница на Советот за безбедност на ООН, НАТО нема да дозволи безбедносен вакуум во Босна и Херцеговина“, рече Шеќеринска.
Регион
Албанска министерка го разреши својот заменик поради непочитување на забраната за пушење

Министерката за внатрешни работи на Албанија, Албана Кочиу, го разреши својот заменик поради непочитување на забраната за пушење во ресторан во САД, објавува „Спутник“.
Таа потврди на социјалните мрежи дека го сторила тоа врз основа на пријавата на албански државјанин кој живее во Њујорк, каде што бил во посета нејзиниот заменик Анди Махила. Како што изјави, тој пушел цигара во ресторанот „што предизвикало немир кај присутните“.
Албана Кочиу е првата жена на чело на полицијата во историјата на Албанија, а во претходната влада беше министерка за здравство.
Фото: принтскрин