Регион
Силно невреме ја погоди Грција, на удар познато летувалиште
Невреме проследено со обилен дожд утрово предизвика големи проблеми и штети во Грција.
Во неколку општини на Атика ветрот откорна дрвја и уништи куќи.
Иако не траеше долго, невремето беше силно и нанесе голема штета, особено во областите Неа Јонија, Перистери, Егалео, Галаци и Нео Ираклио, каде што паднале дрвја, искинати се натстрешници и оштетни се покриви на куќи, а некои куќи се поплавени, пренесе АНА.
Поради невремето, дошло и до прекин на струјата во некои места.
Во Нео Ираклио се откорнати стебла на главните улици, кои предизвикаа големи проблеми во сообраќајот, па општинските власти мобилизираа екипи за одржување да ги санираат штетите и да ги отстранат сите откорнати стебла, како и сите други што може да паднат.
Невремето го погоди и познатото летувалиште Неос Мармарас на Халикидик.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
За само еден ден 11 земјотреси го погодија Врање
Од вчера до денес Врање го погодиле дури 11 земјотреси, од кои најсилниот бил со јачина од 3,7 степени според Рихтеровата скала, покажуваат податоците на веб-страницата на Републичкиот сеизмолошки завод.
Најсилниот земјотрес се случи кај Врање во селото Корбевац со јачина од 3,7 степени според Рихтеровата скала.
Првиот земјотрес е забележан во неделата (13 октомври) во 04:28 часот, а епицентарот бил во селата околу Врањска Бања.
Додека последниот земјотрес беше регистриран рано утринава околу шест часот по локално време, магнитудата беше 2,3 степени според Рихтеровата скала.
Регион
Објавени сликите на 18 трагично загинати во поплавите во Јабланица, БиХ
Бројот на загинатите во поплавите и свлечиштата во Босна и Херцеговина се искачи на 25.
Четворица загинати во Коњиќ, тројца во Фојница, а убедливо најмногу – 18 во Долна Јабланица. Ова не е конечната бројка на загинати бидејќи се уште е активна потрагата по две исчезнати лица, еден од Коњиќ, еден од Јабланица.
Колективниот погреб за настраданите од поплавите на подрачјето на Долна Јабланица ќе се одржи во вторник на 15 октомври во 14 часот, пренесуваат босанските медиуми.
Регион
Дете од една и пол година падна од балкон на четврти кат во зграда во Србија, детето починало на пат кон Белград
Дете на возраст од една и пол година, вчера околу 16 часот паднало од четврти кат во зграда во Нови Пазар и починало. РТС јавува дека детето починало при транспорт за Белград.
Детето кое паднало од четврти кат од зграда во Нови Пазар починало при транспорт во Белград, каде било однесено поради тешки повреди, јавува РТС.
По падот, детето се здобило со тешки повреди на основата на черепот и скршеница на екстремитет, а по првичното лекување во болницата во Нови Пазар е упатено на понатамошна нега во Белград.
На пат кон Белград, здравјето на детето се влошило, по што било реанимирано во болницата во Краљево, јавува РТС.
„Детето престана да дише околу Маглич, по што беше реанимирано два часа“, изјави за РТС директорот на Општата болница во Краљево, доктор Зоран Мрвиќ.
Истрагата утврдила дека детето било во станот со родителите и дека во еден момент излегло на терасата и паднало на платото пред зградата, соопшти српската полиција.