Регион
„Сите се молевме за неа“ – учениците oд „Рибникар“ тажни поради смртта на Ангелина, последната жртва на Коста

Почина Ангелина. Цели 12 дена за живот се бореше ова мало девојче кое беше погодено со куршум од Коста К, но немаше спас. Ангелина е десеттата жртва во масакрот. Веста за нејзината смрт повторно ги потресе сите, пишува „Новости.рс“.
„Таа веќе не дише, а сите се молевме на училиште таа и Владимир да останат живи. Дури на влезот во училиштето залепивме постер со порака за нивно брзо заздравување. Верувавме во подобро, во лекарите, во нивната младост и издржливост, без разлика на повредите со кои се здобија. Но, ја изгубивме и Ангелина. Ни остана само Владимир и се надеваме дека барем тој ќе се врати кај нас, ќе влезе во училницата и ќе бидеме заедно“, вели во изјава за „Новости“ ученик од „Владислав Рибникар“ .
Ангелина беше хоспитализирана на детската клиника откако на 3 мај тринаесетгодишниот Коста К. уби осум ученици и чуварот во училиштето.
Таа се здоби со тешки телесни повреди на главата. Веднаш по приемот во болницата девојчето беше оперирано, но куршумот и останал во главата. Лекарите сиве овие денови од минута во минута ја следеле нејзината здравствена состојба и покрај наводите дека нема многу надеж за девојчето, се обиделе да ја спасат.
„Веста за смртта на девојчето повторно сите не потсети на страшниот масакр и брзо се прошири на социјалните мрежи. Ќерка ми, речиси две недели по хоророт што се случи, дојде на час. И сега да го слушне ова… не знам како ќе ја смириме“, вели еден од родителите за српскиот весник.
Во текот на денот, како и секој ден досега, граѓаните кои минуваа покрај училиштето застанаа на едноминутно молчење, оддавајќи им почит на настраданите деца и на обезбедувачот.
Некои од нив, слушајќи за смртта на малата Ангелина, се приближија до училишниот двор, запалија свеќа и му положија бел цвет на починатото девојче, пишува весникот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Претседателката на Хашкиот трибунал: Ратко Младиќ добива медицинска нега на високо ниво

Претседателката на Меѓународниот кривичен трибунал во Хаг, Грасиела Гати Сантана, денес пред Советот за безбедност на ОН во Њујорк изјави дека генералот Ратко Младиќ добива медицинска нега на „високо ниво“ во притвор.
Младиќ отслужува доживотна казна затвор за геноцидот во Сребреница и воените злосторства против муслиманите и Хрватите за време на војната во Босна и Херцеговина од 1992 до 1995 година.
Поднесувајќи го својот редовен извештај за работата на Трибуналот, Сантана ги информираше земјите-членки на Советот за безбедност дека одбраната на Младиќ неодамна побарала тој да биде ослободен од хуманитарни причини поради неговата неизлечива болест.
Регион
Син до смрт ја претепал мајка си во Никшиќ: ја удирал жената по главата, нозете и рацете

Службеници на Одделот за безбедност во Никшиќ го уапсиле С.Г. (59) поради сомнение дека ѝ нанел тешки телесни повреди на својата мајка М.Г. во семејниот стан во Никшиќ. (85), како резултат на што таа починала.
– На 10 јуни 2025 година, дежурната полициска служба била известена од персоналот на Општата болница во Никшиќ дека кај нив е донесена жена со повреди на главата. М.Г. веднаш била префрлена во Клиничкиот центар на Црна Гора, каде што починала денес, пренесува Рина“изјава од полицијата.
За случајот веднаш бил известен државниот обвинител на Вишото државно обвинителство во Подгорица, кој наредил да се спроведе истрага во станот каде што живееле заедно мајката и синот.
Полицијата утврдила дека С.Г. ѝ нанел повеќекратни повреди на рацете, нозете и главата на мајката. Лекарите ги окарактеризираа повредите како тешки, опасни по живот.
За новите околности бил информиран надлежниот обвинител, кој утврдил дека овој случај содржи елементи на кривично дело – тешко убиство. С.Г. бил уапсен по наредба на обвинителот.
Обвинителот наредил и обдукција на телото на починатата, која ќе се изврши во текот на денот.
Регион
Ученик од седмо одделение приведен во Србија: донел нож и список за отстрел во училиште

Ученик од основното училиште „Јован Стерија Поповиќ“ во Нов Белград е однесен во полиција на разговор, објави српски Блиц.
Се сомнева дека вчера во училиштето донел список за убивање и нож.
Момчето е испрашувано од полицијата по наредба на Вишото јавно обвинителство во Белград, а се вели дека станува збор за ученик во седмо одделение.
Сите околности на инцидентот сè уште се утврдуваат, а деталите не се познати.