Регион
Словенец ја прегази сосетката со авион и доби условна казна

Седумдесет и двегодишниот Алојз Шименц од Љубљана, кој пред три години ја прегази сосетката со ултралесен спортски авион и сериозно ја повреди, Окружниот суд во Љубљана во вторникот го осуди на една година условна казна со трајно одземање на дозволата за летање.
Страсниот летач во текот на судењето ја призна својата вина и ѝ се извини на оштетената жена и се договори со обвинителството, објавија словенечките медиуми.
Според љубљански „Дневник“, Шименц со сопственото ултралесно летало во 2016 година се обидел да слета на тревникот, при што скршнал на макадам, каде што шетале две жени, од кои едната му била сосетка и сериозно ја повредил.
Во судот тој изрази жалење за настанот што многу го погодил и рече дека е подготвен на сосетката во иднина да ѝ помага финансиски или на друг начин.
По ова несреќно слетување љубљанчанецот продолжи да лета со својот авион, но минатата година доживеа нова несреќа, во која не беше повреден, но авионот целосно изгоре.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Тројца пациенти од Кочани се примени во болница во Варна

Тројца повредени во пожарот во Кочани вчера се примени на Клиниката за изгореници при ВМА-Варна, јави Бгнес.
Тие беа пренесени во Варна со воениот авион Спартан, кој првично слета во Софија, каде што пет пациенти беа сместени во болницата Пирогов.
Бугарија се обврза на лекување на 14 повредени во пожарот во Кочани.
Во пожарот што избувна во дискотека во Кочани животот го загубија 59 лица.
Регион
Авион на српската армија со 12 повредени во пожарот во Кочани пристигна во Белград

Дванаесет пациенти повредени во пожарот во дискотека во Кочани вчера вечер се пренесени од Македонија во Белград со авион CASA C-295 на српската армија, кои ќе бидат згрижени во Воената медицинска академија и во Клиничкиот центар на Србија, јави Танјуг.
Претходно, авион со четворица лекари и четворица медицински техничари полета за Македонија за медицинска евакуација на повредените во несреќата. Двајца пациенти кои претходно биле пренесени од Македонија со воени амбулантни возила се на лекување во Воената болница Ниш и Клиничкиот центар Ниш. За да им се пружи помош на повредените, планирано е двајца лекари од ВМА (пластичен хирург и анестезиолог) и еден медицински техничар – инструмент-оператор да останат во Македонија, пренесе српски Телеграф.
Најмалку 59 лица загинаа во пожарот што избувна ноќта меѓу саботата и неделата во дискотеката „Пулс“ во Кочани.
Регион
Новак Ѓоковиќ го објави македонското знаме со црна панделка

По големата трагедија се случи во Кочани, Македонија, каде што најмалку 59 лица го загубија животот по пожар во дискотека се огласи и српскиот тенисер Новак Ѓоковиќ.
Тој на социјалните мрежи го објави знамето на Македонија со црна позадина, испраќајќи поддршка до семејствата на загинатите и повредените.