Регион
Смртта на Анастасија била насилна, објавени детали како 27-годишната жена е убиена на грчкиот остров

Смртта на 27-годишна полјакиња на грчкиот остров Кос била предизвикана од задушување, се наведува во форензичкиот извештај кој веќе е проследен до истражните и обвинителските органи, а дополнителен исказ дал нејзиниот партнер од Полска.
Според заклучокот, смртта на Анастасија била насилна, што го потврдува делото. Денеска во полициска станица дополнителен исказ дал нејзиниот партнер од Полска.
Телото на 27-годишна жена беше пронајдено во торба и покриено со гранки, на само километар од куќата на човекот од Бангладеш, кој беше уапсен како главен осомничен, а денеска беше сослушан.
Тој е личноста која последен пат ја видел и кој уште од првиот момент се сметал за сомнителен бидејќи на сослушувањето полиција наишла на многу контрадикторности.
Маж од Бангладеш беше обвинет во средата за киднапирањето, но во меѓувреме, секој нов доказ што ќе се појави ќе биде предаден на полициски истражител.
Осомничениот и натаму инсистира дека тој не го сторил делото за кое е осомничен, пишува Прототема.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Ужас во Јагодина: Внук ги заклал бабата и дедото и избегал

Двојно убиство се случило во близина на Јагодина. Според првичните информации М.М. (39) ги заклал бабата Р.Ж. (76) и дедото Р.М. (79) и избегал. Неофицијално, убиството се случило во селото Богава, општина Деспотовац, а телата на сопружниците биле пронајдени рано утрово во семејната куќа.
Полицијата е на местото на настанот и во тек е истрага, а пристигнати се и обвинителот на Вишото јавно обвинителство во Јагодина.
Регион
Шеќеринска: НАТО нема да дозволи безбедносен вакуум во БиХ

Заменичката на генералниот секретар на НАТО, Радмила Шеќеринска, денес изјави дека алијансата нема да дозволи безбедносен вакуум во Босна и Херцеговина, откако српскиот лидер Милорад Додик објави дека ќе побара од Москва да ја прекине воената мисија ЕУФОР во таа земја.
Шеќеринска изјави дека НАТО е „трајно посветен на суверенитетот и територијалниот интегритет на Босна и Херцеговина“.
Таа додаде дека НАТО нема да дозволи дестабилизација во Босна и Херцеговина, соопшти канцеларијата на бошњачкиот член на колективното претседателство на Босна и Херцеговина, Денис Беќировиќ, кој се сретна со претставничката на НАТО.
„Без оглед на исходот од претстојната седница на Советот за безбедност на ООН, НАТО нема да дозволи безбедносен вакуум во Босна и Херцеговина“, рече Шеќеринска.
Регион
Албанска министерка го разреши својот заменик поради непочитување на забраната за пушење

Министерката за внатрешни работи на Албанија, Албана Кочиу, го разреши својот заменик поради непочитување на забраната за пушење во ресторан во САД, објавува „Спутник“.
Таа потврди на социјалните мрежи дека го сторила тоа врз основа на пријавата на албански државјанин кој живее во Њујорк, каде што бил во посета нејзиниот заменик Анди Махила. Како што изјави, тој пушел цигара во ресторанот „што предизвикало немир кај присутните“.
Албана Кочиу е првата жена на чело на полицијата во историјата на Албанија, а во претходната влада беше министерка за здравство.
Фото: принтскрин