Регион
Сопругот ја нашол сопругата во куќата со двајца мажи, па се заканил дека ќе ги убие сите
Во полициската станица Сански Мост се обратила 34-годишната К. С. со цел да го пријави 36-годишниот сопруг поради страв за својот живот по семејната драма во нивниот дом.
Имено, К. З. (36) дошол пред семејната куќа, каде што го пресретнала заклучена врата, пренесува „Српскаинфо“.
Тој удирал по вратата и се заканувал дека ќе ја убие К. С. (34), но таа во страв немала храброст да ја отклучи вратата и да го пушти во куќата.
Во куќата, покрај К. С. (34), биле и двајца мажи со иницијали К. Е. (30) и С. Е. (35), пренесува медиумот.
Полицијата пристигнала на местото на настанот и го затекнала К. З. (36) со шрафцигер во раката.
Тој се заканувал дека ќе ги убие сите во куќата кога полицијата си заминала, пренесуваат порталите.
Полициски службеници го привеле.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во БиХ
Земјотрес со јачина од 2,9 степени ја погоди денеска Босна и Херцеговина.
Епицентарот бил во близина на Мостар.
Засега не се знае дали е причинета материјална штета.
Регион
Пумпата за базен го повлекла момчето на дното: детали за трагедијата на Златибор
Момче (6) од Белград вчера се удавило во базен на познат хотел на Златибор, а според неофицијални информации, смртта ја предизвикала пумпата од базенот. Кога момчето нурнало, наводно пумпата го повлекла на дното.
Очевидците на оваа трагедија со сите сили се обиделе да го извлечат детето, но не успеале поради вакуумот, а момчето починало.
По наредба на Основното јавно обвинителство во Ужице, на телото на момчето е наредена обдукција.
Полицијата го уапсила сопственикот на фирмата за одржување на базените. На осомничениот му е одреден притвор до 48 часа. Тој беше обвинет за тешко дело против општата безбедност.
Повреденото момче било придружувано од жена за која постои сомневање дека е баба му, пишува „Блиц.рс“.
Екипата на „Блиц“ стапила во контакт со хотелот во кој се случила трагедијата, но од вработените велат дека не сакаат да даваат изјави за медиумите.
Регион
Работник за одржување базен уапсен поради смртта на момче на Златибор
Полицијата му одредила притвор до 48 часа на одговорниот за одржување на базенот на Златибор, каде што се удави момче (6).
Како што соопштија за „Танјуг“ во Основното јавно обвинителство во Ужице, уапсениот се сомничи за сторено тешко кривично дело против општата безбедност.
Шестгодишно момче на 1 октомври се удави во базен на хотел на Златибор.
На телото на момчето е наредена обдукција.