Регион
Сопственик на бензинска пумпа во Атина убиен со 80 куршуми, пронајден запалениот џип на напаѓачите
![](https://makfax.com.mk/wp-content/uploads/2024/01/Screenshot-2024-01-14-111111.jpg)
Сопственикот на бензинска пумпа (44) во Атина станал жртва на брутално убиство кога кон него непознати напаѓачи испукале повеќе од 80 куршуми, пишуваат српските медиуми.
Инцидентот се случил нешто по 2 часот по полноќ кога напаѓачите му се приближиле на неговиот автомобил пред бензинска пумпа и отвориле оган со калашникови.
Мажот бил застрелан и починал на лице место, додека неговиот автомобил бил изрешетан со куршуми.
Според неофицијални информации, напаѓачите користеле црн џип, а на местото на злосторството биле пронајдени 81 чаура.
Жртвата веќе им била позната на властите, бидејќи била цел на вооружен напад во 2018 година во близина на пристаништето Пиреј.
Полицијата го пронашла изгорениот џип на напаѓачите кои го запалиле на атинската авенија за да им покријат траги.
Во моментов се собираат снимки од безбедносните камери кои можат да дадат информации за сторителите, додека таксистот кој бил на пумпата е сослушан како сведок.
Ова убиство потсетува на претходниот напад врз жртвата во 2018 година, каде полицијата интервенираше за да му даде прва помош по нападот со пиштол. Полицијата продолжува со истрагата за пронаоѓање и апсење на сторителите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Регион
Маж од Албнија вооружен со мачета се заканувал на полицајци во западна Германија, извикувал „Алах акбар“
![](https://makfax.com.mk/wp-content/uploads/2018/08/policija-germanija.jpg)
Маж од Албанија вооружен со мачета бил совладан и уапсен откако рано утринава се заканил дека ќе убие полицајци во полициска станица во западна Германија, соопшти обвинителството.
Инспекторите рекоа дека веруваат дека тој имал исламистички, екстремистички мотив, пренесе АП.
Албанскиот државјанин (29) околу 02.40 часот пристигнал во полициската станица во гратчето Линц на Рајна, меѓу Кобленц и Бон.
Обвинителите рекоа дека тој извикувал „Алаху акбар“ – „Господ е голем“ на арапски – и рекол дека сакал да ги убие полицајците.
Дежурните полицајци ја заклучиле вратата од полициската станица и влезот во внатрешниот двор.
Осомничениот се обидел, но не успеал да ги натера да го отворат влезот, се вели во соопштението на обвинителот.
На местото на настанот биле повикани специјалци кои го совладале со пиштол за шокирање.
Инцидентотследи по нападот со нож на 23 август во западниот град Солинген, во кој осомничен екстремист од Сирија беше обвинет за убиство на три лица.
Регион
Сопругата на Бора Чорба се прости од рокерот со трогателни зборови: „Твоето срце ќе чука со нас засекогаш“
![](https://makfax.com.mk/wp-content/uploads/2024/09/Screenshot-2024-09-06-134325.jpg)
Легендата на рокот, Бора Ѓорѓевиќ, почина на 72 години, на 4 септември, а последен поздрав преку некролог во весник денеска му испратија сопругата Дубравка и другите членови на семејството.
Во Чачак, денеска, 6 септември, беше прогласен ден на жалост, а во Центарот за култура беше отворена книга на жалоста.
„Погребот ќе се изврши в сабота, 7.9.2024 година, во 14.30 часот, на градските гробишта во Чачак. Црковниот обред е во 14 часот. Сочувство ќе се прима од 13 часот. Драг наш, твоето срце ќе чука засекогаш со нас. Твоите песни засекогаш ќе бидат дел од нас… Ни подари грст спомени преку кои ќе те паметиме“, пишува во последниот поздрав на сопругата на Бора и семејството.