Регион
Соработниците на Додик: Се подготвува атентат врз него, зад сѐ стои Америка
Најблиските соработници на лидерот на босанските Срби Милорад Додик денеска тврдат дека против него се подготвува атентат, а еден од министрите ја обвини американската администрација дека е поттикнувач на тој наводен план.
Тврдењето дека му се подготвува атентат на Додик прв го изнесе, во програмата на јавниот сервис Телевизија РС (РТРС), шефот на клубот на претставници на неговиот Сојуз на независни социјалдемократи (СНСД) во парламентот на БиХ, Сања Вулиќ, позната по своите запаливи изјави, па дури и прости чекори кога го бранеше Додик.
За време на судското рочиште на Додик, одржано во понеделникот во Судот на Босна и Херцеговина во Сараево, Вулиќ упати псовки кон судските полицајци, судијата Сена Узуновиќ и американскиот амбасадор Мајкл Марфи, а сега рече дека за подготовката на наводниот атентат дознала од „извор во американската амбасада“.
Sanja Vulić ponovo psuje ispred Suda BiH: 'Oni će sve nas pobiti…'
Video: @radiosarajevo pic.twitter.com/YdMR70Ou34— Radio Sarajevo (@radiosarajevo) February 5, 2024
Таа не појасни кој всушност се заканува, но рече дека пристигнале пораки дека „се е подготвено за атентат и дека имаат оружје“. Дополнително, тврди дека некој ги исекол дрвјата пред влезот на комплексот на Судот на Босна и Херцеговина во Сараево, за потенцијалните снајперисти да имаат јасен поглед на Додик кога ќе дојде на судењето.
Нејзините тврдења за ранливоста на Додик потоа ги повтори министерот за надворешна трговија и економски односи на БиХ, Сташа Кошарац, исто така член на СНСД, а тој исто така тврдеше дека САД ги охрабруваат наводните заговорници.
„Можеме да кажеме дека нападите врз претседателот (Додик) и политичката репресија се извршени од американската администрација, а тоа дополнително се засили со доаѓањето на американскиот помошник државен секретар Џејмс О’Брајан“, рече Кошарач пред новинарите во Бања Лука.
О’Брајан минатата недела беше во Сараево, а потоа остро го критикуваше Додик, предупредувајќи го дека САД нема мирно да ги набљудуваат неговите сецесионистички закани.
Тврдењата на Вулиќ и Кошарца беа прифатени и потврдени од премиерот на Република Српска, Радован Вишковиќ, како целосно основани.
„Не би ме изненадило некој да посегне по оружје“, рече Вишковиќ, кој истакна дека Додик моментално е најзагрозената личност меѓу српските политичари.
Министерот за внатрешни работи на РС, Синиша Каран, потоа рече дека Додик добива различни закани секој ден, а полицијата сериозно ја сфаќа секоја од нив и спроведува истраги.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вучиќ во Узбекистан: Тука нè гледаат како Европејци, иако не сме во ЕУ
Претседателот на Србија, Александар Вучиќ, за време на посетата на Ташкент, изјави дека Узбекистан е „земја на иднината“ и нагласи дека Србија мора да се позиционира за соработка со земјите кои бележат брз економски раст, пренесува РТС.
„Најсилниот впечаток врз мене, а верувам и врз сите вас, останува огромниот напредок на Узбекистан – неверојатен напредок. Минатата година стапката на раст беше 6,5 проценти, а оваа година веројатно ќе биде уште поголема. Во првите три квартали веќе се достигнати 7,6 проценти“, рече Вучиќ, додавајќи дека ова е земја на млади, со оглед на тоа што 60 проценти од населението е под 30 години.
Тој најави дека се очекува посета на узбекистанскиот претседател Шавкат Мирзијоев во Белград на почетокот на 2026 година, кога треба да започне и стратешко партнерство.
„Ова ќе биде почеток на нашето стратешко партнерство. Ќе ги подготвиме најважните документи што ќе бидат основа за подобрување на соработката“, рече Вучиќ.
„Знам дека луѓето во Србија не се секогаш доволно заинтересирани за вакви теми, но ова е нашата иднина. Ова се земји кои растат неверојатно брзо и ние мора да ја позиционираме Србија тука“, нагласи тој.
Српската делегација беше особено импресионирана од паркот за информатичка технологија, за кој Вучиќ рече дека ги покажува огромните инвестиции на Узбекистан во знаење и развој. Она што, вели тој, особено го фасцинирало е напорната работа и дисциплината на неговите граѓани.
„За разлика од Европејците – а тие нè сметаат во Европа иако не сме дел од Европската Унија – тие не бараат да работат што е можно помалку и да бидат платени што е можно повеќе. Овие луѓе сакаат да работат што е можно повеќе, тие го имаат тоа „тигрово око“ и јасно гледаат дека со својата работа можат да нè надминат сите нас“, истакна српскиот претседател.
Тој додаде дека Србија, иако нема да биде лесно да го промени својот менталитет, може да учи од ваквите партнери и да ја искористи таа енергија во корист на своите граѓани. Како пример за добра пракса, тој го наведе узбекистанскиот модел на централизирани јавни набавки, кој донесе големи заштеди и кој Србија планира да го проучи.
фото: принтскрин
Регион
Хрватскиот државјанин киднапиран во Мали се врати дома
Хрватскиот државјанин кој беше киднапиран во Мали е ослободен и вратен дома, потврди министерот за надворешни и европски работи на Хрватска, Гордан Грлиќ Радман. Како што изјави, тој пристигнал во Сараево.
„Ова е добра вест за неговото семејство, кое го помина најтешкото, но и за сите нас во Хрватска и Босна и Херцеговина“, објави Грлиќ Радман на социјалната мрежа X.
Министерот им се заблагодари на сите институции на Република Хрватска и партнерите од Босна и Херцеговина кои учествуваа во решавањето на случајот, особено на министерот за надворешни работи на Босна и Херцеговина, Дино Конаковиќ, и на вработените во Министерството за надворешни и европски работи.
Тој им се заблагодари и на хрватските амбасади во Алжир, Рим и Берлин, кои беа вклучени во дипломатските активности поврзани со ослободувањето на граѓанинот.
Zadovoljstvo nam je potvrditi da je hrvatski državljanin koji je bio zatočen u Maliju pušten na slobodu i stigao kući, u Sarajevo.
To je lijepa vijest za njegovu obitelj, kojoj je bilo najteže, ali i za sve nas u Hrvatskoj i Bosni i Hercegovini.
Zahvaljujem svim institucijama… pic.twitter.com/JWeBIuo28h
— Gordan Grlić Radman (@grlicradman) October 30, 2025
Грлиќ Радман потсети дека одлуката за патување во ризични подрачја останува лична одговорност, но ги повика граѓаните да ги следат препораките на Министерството за надворешни и европски работи пред да патуваат во странство.
Двајца државјани на Босна и Херцеговина, Марио Кокоруш и Марин Петровиќ, кои исчезнаа пред речиси два месеци во африканската земја Мали, се живи и здрави. Марио Кокоруш е доктор по електротехника и покрај државјанството на БиХ има и германско државјанство, а Марин Петровиќ е професор на Машинскиот факултет во Сараево и има и хрватско државјанство.
Регион
Сирија го призна Косово
Претседателката на Косово, Вјоса Османи, објави дека Сирија ја признала независноста на Република Косово, пренесува Анадолу.
Османи, која е во официјална посета на Ријад, изјави дека со поддршка на саудискиот престолонаследник Мохамед бин Салман, е постигнат договор со кој Сириската Арапска Република ја признава Република Косово.
Османи му се заблагодари на сирискиот претседател Ахмед ал-Шарија за одлуката за признавање на Косово, како и за неговата поддршка за Косово.
„Народот на Косово и Сирија многу страдаше и жртвуваше за да постигне слобода. Затоа, ова меѓусебно признавање денес не е само признавање на државниот суверенитет, туку и признание на жртвите на многу генерации за слободен живот“, рече Османи.
Таа, исто така, му се заблагодари на саудискиот престолонаследник „што го овозможи овој историски чин меѓу двете земји“. Со признавањето од Сирија, сега 120 земји ширум светот го признаа Косово.

