Регион
Со синот во рацете стигнала до соседната куќа: побегнала од масовниот убиец во Црна Гора

По нападот во Цетиње, ранетата 38-годишна Марија Мартиновиќ со синот во раце стигнала до соседната куќа, пишува „Вијести“.
Дури тогаш соседите, а потоа и полицијата дознале дека во куќата на Мартиновиќ се случило злосторство.
Полицијата оценува дека Ацо Мартиновиќ во две куќи на негови роднини прво го убил сопругот на Марија, Марко, а пред тоа и неговиот брат Милош во ресторан.
Потоа отишол во куќата на нивните родители и ги убил сопружниците Радован (70) и Радмила Мартиновиќ (63) и нивниот гостин Јоша Оташевиќ (55).
Ова на прес-конференција го потврди и шефот на полициската управа Лазар Шќепановиќ, пишува медиумот.
„Во населбата Хумци, Мартиновиќ дошол со возило и се паркирал пред куќата на жртвите, по што прво го убил Ј.О., роден 1970 година, кој бил во куќата на М.М., роден 1986 година, а кој исто така е убиен во таа куќа“, рече тој и продолжи:
„Во оваа прилика е ранета М.М., родена 1987 година (сопругата на убиениот М.М.), која иако е ранета, со детето во раце успеала да побегне од својата куќа до куќата на првите соседи, а потоа и убиецот отишол во родителската куќа на веќе убиениот М.М и ги лишил неговите родители Р.М., роден 1955 година и Р.М., роден 1962 година“, рече Шќепановиќ на прес-конференција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Албанија продолжува со рекордни бројки на странски туристи

Албанија продолжува со рекордни бројки на странски туристи, која во периодот јануари – август ја посетиле околу девет милиони.
Албанскиот Институт за статистика објави податоци што потврдуваат дека влезот на странски државјани е за 5,2 отсто поголем ако се спореди со истиот период пред една година, кога беа регистрирани вкупно 8,5 милиони странски државјани.
Само во август бројот на странски државјани кои влегле на албанска територија е 2,3 милиони, што е зголемување од 9,9 отсто, во споредба со истиот месец минатата година.
Албанската економија имаше корист од странските туристи од 2,1 милијарди евра за само шест месеци, до кога ја посетиле 4,76 милиони странци. Овие бројки потврдуваат дека 2025 година ќе биде уште пооптимистичка во однос на туризмот во земјата, додека приходите се очекува да се зголемат за околу 7,7 отсто во споредба со лани.
Се очекува приливот на туристи да продолжи и есенва, со што ќе се продолжи туристичката сезона во земјата. Туроператорите известуваат дека резервациите се високи и за септември и за октомври.
Минатата година Албанија ја посетиле над 11,7 милиони туристи или 15,2 отсто повеќе од претходната година. Очекувањата за годинава се над 12 милиони туристи.
Регион
Жена убиена на свадба во центарот на Шибеник, ја погодила ракета

Жена е повредена кога пиротехничко средство – сигнална ракета – било испукано во близина на катедралата „Свети Јаков“ во Шибеник синоќа, и починала од повредите во болница, соопшти хрватската полиција.
Во соопштението од полициската управа Шибеник-Книн се додава дека е уапсен 52-годишен маж, пренесува Хина. Во тек е кривична истрага, соопшти полицијата.
Хрватските медиуми неофицијално известуваат дека несреќата се случила за време на свадбена прослава, кога осомничениот испукал ракета.
Регион
Ужас во Јагодина: Внук ги заклал бабата и дедото и избегал

Двојно убиство се случило во близина на Јагодина. Според првичните информации М.М. (39) ги заклал бабата Р.Ж. (76) и дедото Р.М. (79) и избегал. Неофицијално, убиството се случило во селото Богава, општина Деспотовац, а телата на сопружниците биле пронајдени рано утрово во семејната куќа.
Полицијата е на местото на настанот и во тек е истрага, а пристигнати се и обвинителот на Вишото јавно обвинителство во Јагодина.