Регион
Србија испраќа 29 ловци „миг“ во Украина според договорот со Франција, тврди руска политичарка

Договорот меѓу Франција и Србија за купување 12 нови повеќенаменски борбени авиони за 2,7 милијарди евра содржи клаузула за трансфер на српските ловци „миг 29“ во Франција по што ќе бидат испратени во Украина, тврди поранешна потпретседателка на Думата, долниот дом на рускиот парламент.
„Ловците ќе им бидат предадени на Французите во декември. Очигледно е дека тие авиони потоа ќе одат во Украина. Наводно, Москва веќе е информирана за оваа точка од договорот“, напиша Елена Владимировна Панина на „Телеграм“.
Според јавно достапните податоци, Србија има во активна служба 14 ловци „миг 29“, а Панина тврди дека се подготвува трансфер на 36 авиони. Не е познато колку неактивни авиони „миг 29“ има Србија во складиште.
Малку е веројатно дека Белград има дозвола од руските власти за оваа акција, изјави Панина.
„Ова не е првпат српско оружје да биде доставено во Киев. Украина преку посредник добила муниција од Србија во вредност од 800 милиони евра. Се поставува прашањето на кој од ‘браќата’ Русија може да го продаде своето оружје, без ризик дека подоцна ќе пукаат во нас“, рече рускиот политичар.
Информациите за можното префрлање на српските авиони во Украина доаѓаат во време на 19. Бледски стратешки форум во Словенија, на кој учествува и српскиот премиер Милош Вучевиќ.
Украинците се словенски браќа на Србите, а Белград гласаше за сите резолуции во Обединетите нации на тема украински територијален интегритет и суверенитет, изјави денеска премиерот на Србија.
На панелот на Бледскиот стратешки форум, тој ја бранеше одлуката на Белград да не воведе санкции кон Русија, иако интеграцијата во Европската Унија подразбира усогласување со надворешната и безбедносната политика на таа алијанса. Србија е единствената земја кандидат која сè уште не го сторила тоа.
Вучевиќ рече дека Србија ги почитува територијалниот интегритет и суверенитет на Украина и додаде дека Белград не крие ништо поврзано со односите со Кина и Русија и дека има право на најдобар начин да ги штити националните интереси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Министер на БиХ: Вучиќ сакал да влезе кај Трамп под лажно име, тоа го може само ментално растроена личност

Министерот за одбрана во Советот на министри на Босна и Херцеговина, Зукан Хелез, го коментираше ненадејното враќање на претседателот на Србија, Александар Вучиќ, од САД поради, како што е наведено, „здравствени проблеми“.
Хелез вели дека, за разлика од српскиот претседател Александар Вучиќ, тој деновиве нема главоболки.
„Верувам дека ако ме исфрлат и брзо ме изнесат од Соединетите Американски Држави, дефинитивно ќе се разболам“, вели тој.
Пред десет дена, како што наведува, бил во официјална посета на Соединетите Американски Држави и имал средби во Пентагон со претставници на Министерството за одбрана на оваа земја. Тој истакна дека ова е негова втора посета на САД.
„Секогаш сум имал топло добредојде со целосно почитување на позицијата што ја држам и продуктивни средби на највисоко ниво. Секоја моја посета резултираше со продлабочување на соработката, конкретни проекти за вооружените сили на БиХ и поддршка за суверенитетот, независноста и интегритетот на Босна и Херцеговина“, вели Хелез.
Српскиот претседател Александар Вучиќ, според Хелез, неколку дена пред заминувањето за САД најавил дека ќе се сретне со американскиот претседател Доналд Трамп двапати за неколку дена.
„Вистината е дека манипулаторот Александар Вучиќ бил фатен како се обидува да влезе на донаторска вечера на Републиканскиот национален комитет под лажно име и веднаш бил замолен да ги напушти САД. Поедноставно кажано, Вучиќ бил подготвен да плати огромна сума пари под лажно име за да му ја бакне раката на Доналд Трамп, но наместо тоа ја бакнал вратата од резиденцијата на Трамп во Флорида и брзо се вратил во Србија посрамен“, вели Хелез.
Српскиот опозициски политичар Ѓорѓе Микетиќ претходно објави слична информација, дека Вучиќ се регистрирал под лажно име, преку здружението на камионџии, и купил место на вечерата на донаторите, што е нелегално и било откриено, пишуваат медиумите во регионот.
„Она што Вучиќ го режираше во врска со неговата посета на САД може да го режира само ментално растроена личност. И она малку кредибилитет и углед што го имаше во меѓународните кругови, ако воопшто го имаше, Вучиќ го изгуби. Светот повторно виде со каков манипулатор има работа. Во такви околности, Вучиќ се сврте кон она што најдобро го знае, а тоа е лажење и манипулирање на јавноста во Србија и регионот. Сепак, не можете постојано да ги лажете сите луѓе. Дебаклот на Вучиќ од неговата посета на САД е предмет на исмејување во Србија и во регионот, а наскоро и во целиот свет“, пренесува Индекс.Хр.
Регион
Брнабиќ за навредите кон Вучиќ: Во последните 72 часа видовме сè, омраза кон еден човек, желби и надежи дека ќе умре

Претседателката на Народното собрание на Србија, Ана Брнабиќ, зборуваше за навредите упатени кон претседателот на Србија, Александар Вучиќ.
У последњих 72 сата смо видели све – непатворену мржњу према једном човеку, жеље и надања да ће умрети (што пре), салве увреда на његов рачун, као и на рачун његове породице (поново), покушаје да му се уништи живот, како професионални, тако и приватни (најбоље и професионални и…
— Ana Brnabic (@anabrnabic) May 5, 2025
„Во последните 72 часа видовме сè -омраза кон човек, желби и надежи дека ќе умре (што поскоро), навреди на негова сметка, како и на сметка на неговото семејство (повторно), обиди да му го уништат животот, професионален и приватен. Не бираа ниту средства, ниту зборови и не ги интересираше исходот ниту за Србија, ниту за него самиот, или за неговото семејство. Единствена цел, како и секогаш, беше да му наштетат, да го повредат и омаловажат, да му направат некоја мизерна пакост. И веќе со години тоа е нивната цел, но со години не успеваат во тоа затоа што народот ја цени неговата работа, неговата борба, неговата посветеност и љубов кон Србија.
Се што се обидуваа да му направат во изминатите 13 години беше собрано во изминатите 72 часа. И повторно тој ќе победи, како што ќе победи и Србија. Нетрпеливо чекам да дојде среда навечер, кога сите тие мали, палави души ќе бидат заглавени во место. Само напред, претседателе“, објави Брнабиќ.
Регион
Вучиќ в среда им се враќа на работните обврски

Српскиот претседател, Александар Вучиќ, ќе се врати на своите службени обврски од среда, дознава Б92.нет од Генералниот секретаријат на Претседателството.
Според Б92.нет, за среда наутро се закажани средби со рускиот и британскиот амбасадор.
Се очекува српскиот претседател да се обрати до нацијата во среда навечер.
Вучиќ ја прекина посетата на САД поради болки во градите, по што се врати во Србија. Лекарите препорачаа неколку дена строг одмор.
Српскиот претседател денеска се огласи на Инстаграм. „Почнувајќи од оваа недела, ќе чекориме самоуверено, со вера во нашите срца и души, бидејќи никој не може да ја запре Србија која создава, гради и сонува. Поминавме низ тешкотии, наидовме на пречки, но тие не нè скршија. Не можеа, бидејќи соништата на народот кој верува во работата, чесноста и љубовта кон својата земја не можат да бидат уништени.
Гордоста, достоинството и вербата во подобро утре отсекогаш нè воделе! Значи, продолжуваме заедно кон целта, јас одам пред вас за да бидам штит, да се борам и да дадам сè што можам за земјата што ја сакам.
Сите мора да продолжиме напред за Србија – заедно, силно, непоколебливо. Да живее Србија“, рече Вучиќ.