Регион
Српската опозиција верува во победа на изборите во Белград

Српската опозиција е убедена дека може да победи во Белград на предвремените избори, закажани за 17 декември, и со тоа да ја поткопа моќта на владејачката Српска напредна партија (СНС) на државно ниво, што аналитичарите го гледаат како реална опција.
Да потсетиме, претседателот Александар Вучиќ го распушти српскиот парламент и распиша предвремени парламентарни избори за 17 декември, а претходно претседателот на парламентот распиша избори во Белград и во 64 други градови и општини.
Кандидатот на листата на Србија против насилството за градоначалник на Белград, Владимир Обрадовиќ, изјави дека СНС знае дека ќе изгуби на изборите во Белград и поради тоа проевропската опозиција и тој лично се на удар на претставниците на власта и прорежимски медиуми и таблоиди. Уредникот на порталот Нова српска политичка мисла Ѓорѓе Вукадиновиќ е убеден дека на претстојните избори опозицијата има реални шанси да победи во Белград и дека нивниот оптимизам има вистинска поддршка.
Вукадиновиќ тврди дека опозицијата отвора многу простор на изборите во Белград и дека може да биде загрозена само со некое големо посредување од страна на владата или дека овој исход може да биде доведен во прашање само со некаков драматичен пресврт во опозицискиот корпус.
Осврнувајќи се на анкетите на јавното мислење на крајот на октомври, тој оцени дека опозицискиот корпус од либералната лева опција, центарот и десницата во збирот на гласовите би можеле да ја спуштат владејачката коалиција под 40 отсто од гласовите на граѓаните на Белград.
Вучиќ: Овие избори се клучни
Воедно, Вучиќ, до неодамна лидер на СНС, вели дека декемвриските избори се одлучувачки и дека е важно како ќе завршат, бидејќи до 2027 година нема да има нови избори, освен можеби локални. Ова е објективна проценка на ситуацијата, оцени Вучиќ.
Српската проевропска опозиција ќе учествува на изборите со единствена листа на Србија против насилството. Конзервативните, националните и десничарските партии најверојатно ќе се појават во три блока, додека СНС на изборите оди во коалиција со неколку помали партии, а коалициониот партнер СПС на Ивица Дачиќ на избирачкиот список го пријави како помала коалициска група.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Големо невреме во Загреб, ветерот крши ролени, урива дрвја

Голема промена на времето пристигна во Хрватска. Бура го погоди Загреб околу 10 часот наутро. Како што известуваат хрватските медиуми, ветерот дува силно и ги кине ролетните на куќите. Грми, врне и дува силно во целиот град.
Портокалова тревога е во сила за регионите Славонија, Истра, Кварнер и во Далмација, а жолта тревога е во сила за остатокот од Хрватска.
Температурите во делови од земјата ќе паднат за повеќе од 10 степени во споредба со вчера.
Регион
Дел од натстрешник се урна во центарот на Белград

Во центарот на Белград, пред продавница за парфеми, се урна таванот на натстрешник, пишува „Н1 Србија“.
Ова, најверојатно, се случило во текот на ноќта, а жената што работи во продавницата за парфеми изјавила за „Н1“ дека сè било во ред во текот на денот.
Властите поставија црвена лента на која пишува „внимание, опасност“, така што на граѓаните сега им е забрането да минуваат во тој дел од улицата.
Делови од таванот се наоѓаат и на самото шеталиште, а дел од него сè уште виси.
Регион
Македонец меѓу загинатите во Бугарија кога автомобил управуван од 19-годишник се заби во ресторан

Деветнаесетгодишен возач со автомобилот се заби во ресторан во Разград, Бугарија, при што загинаа три лица, меѓу кои 58-годишник, државјанин на Македонија, соопшти бугарската полиција.
Несреќата се случила по полноќ на улицата Гранчарска во градот. Според првичните информации, младиот возач ја изгубил контролата врз автомобилот, што ја предизвикало тешката несреќа. Тестовите за алкохол и дрога на 19-годишниот возач биле негативни, јавуваат бугарските медиуми.
Починатите се лица на возраст од 62, 64 и 58 години, кои биле во објектот во моментот на несреќата.