Регион
Стотици луѓе се собраа на погребот на загрепскиот градоначалник Бандиќ

Градоначалникот на Загреб, Милан Бандиќ, ќе биде погребан напладне на гробиштата „Мирогој“ во Загреб, каде што се собраа стотици граѓани изутрината и покрај забраната за собирање повеќе од 25 лица.
Ковчегот со телото на починатиот градоначалник е поставен пред мртовечницата околу 10 часот, а голем број граѓани чекаат на ред да му изразат сочувство на неговото семејство.
Соработникот на Бандиќ и раководител на Загрепскиот наставен институт за јавно здравје, Звонимир Шостар, најави дека на погребот ќе се почитуваат епидемиолошките мерки поради што тој најави пристигнување 300 ковид-редари, кои треба да обезбедат почитување на мерките.
Иако мерките на главниот штаб забрануваат собирање повеќе од 25 лица на погреб, повеќе од еден час пред погребот се се собраа стотина луѓе на „Мирогој“.
Луѓето носат маски, но нема или има многу мало растојание меѓу нив.
Денес во Загреб е прогласен ден на жалост по повод смртта на градоначалникот Милан Бандиќ.
Бандиќ ненадејно почина на 66-годишна возраст од последици од срцев удар. Тој беше прв човек на Загреб во текот на шест мандати.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.
Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.
Регион
(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.