Регион
„Таа беше уникатен цвет, честеше колачиња кога ќе добише 4-ка оти петките се монотони“ – Србија се збогува со последната жртва во училиштниот масакр
Попладнево беше погребано девојчето Ангелина кое беше рането во пукањето во ОУ „Владислав Рибникар“ во Врачар, а по 12 дена борби им подлегна на повредите.
Семејството се прости од својата миленичка со трогателен некролог, кој „Блиц“ го пренесе во целост:
„Гинча, нашиот уникатен и неповторлив цвет, имавме огромна привилегија да живееме со тебе, за тебе и поради тебе. Како да ја надоместиме огромната празнина предизвикана од твоето заминување на поубаво, поправедно, поуредно и побезбедно место за живот.
Твојата мисија на овој свет, во кој е незамисливо да се живее без тебе, беше исполнета беспрекорно. Со неверојатна леснотија, можеше да внесеш насмевка на лицето на секој од нас, да правиш магични дела со своите раце, да решаваш задачи како да е шега, да танцуваш како пеперутка, одлучно да се бориш за правда насекаде и секогаш, со својот пример да бидеш пример за сите нас, да ги исполниш сите ветувања, па дури и да даваш колачиња кога ќе добиеш четворка затоа што било монотоно да се гледаат само петки на училиште.
Исполнети со твојата љубов и енергија, ти се поклонуваме и бараме прошка што не те спасивме на овој свет, туку ти дозволивме да ја продолжиш својата мисија таму горе. Сакај, моли го Бога да ни прости и знаејќи дека нè гледаш со ангелите, ќе се обидеме да станеме подобри луѓе.
Мама, тато, сестрите, браќата, братучетката, снаата, баба, дедо,вујна, тетка, вујко и сите добри луѓе во нашата Србија“, пишува во некрологот.
Невидена трагедија во Србија се случи на 3 мај во белградското основно училиште во Врачар, кога ученик од седмо одделение со пиштолот на својот татко влегол во училиштето „Владислав Рибникар“. Тој пукал во училишниот чувар Драган В. и дежурните ученици, а потоа влегол во просторијата за историја каде убил петмина негови врсници и го ранил наставникот по историја и уште шест ученици.
Девојчето А.А било рането во главата и веднаш по приемот на клиниката оперирано, но по 12 дена им подлегна на повредите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Загинаа две лица, а пет се водат како исчезнати по судар на чамец и крузер во Дунав кај Будимпешта
Две лица го загубија животот доцна синоќа, а пет се водат за исчезнати во судар на мал моторен чамец и крузер на реката Дунав северно од Будимпешта, соопшти денеска унгарската полиција.
Телата на возрасен маж и жена се пронајдени северно од главниот град, а властите се уште трагаат по пет исчезнати лица.
Сома Чечи, портпарол на полицијата во Будимпешта, на прес-конференција рече дека, според досегашните сознанија, во чамецот имало вкупно осум возрасни лица и потврди дека две лица загинале, а пет се водат како исчезнати. Тројца мажи и две жени моментално се бараат со глисери и дронови, јавуваат унгарските медиуми.
Полицијата соопшти и дека во градот Комаром бил запрен поголем брод, а од увидот било откриено дека му е оштетен страничниот дел. Се врши увид и во тек е истрага за опасноста по водениот пат и смртта на неколку лица.
Регион
По обидот за атентат словачкиот премиер Фицо е надвор од животна опасност
Словачкиот премиер Роберт Фицо е надвор од животна опасност по обидот за атентат, изјави денеска министерот за одбрана и вицепремиер Роберт Калинак за словачката новинска агенција ТАСР.
Состојбата на Фицо се подобрува, а лекарската комисија утре треба да одлучи дали тој ќе биде префрлен. Фицо моментално се опоравува во универзитетската болница во Банска Бистрица.
Фицо беше тешко повреден на 15 мај, по седницата на Владата во градот Хандлова, кога 71-годишниот писател Јурај Цинтула, од непосредна близина неколку пати пукаше со пиштол во него. Специјалниот кривичен суд во словачкиот град Пезинок, со силно полициско обезбедување вчера му одреди притвор на Цинтула.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.