Регион
Таксистот што го превезувал Урош денес ќе сведочи за ноќта на масакрот во Младеновац

Во Вишото јавно обвинителство во Смедерево треба да сведочат таксистот и уште петмина сведоци за масакрот кај Младеновац кога Урош Б. (21) уби осум и рани 14 лица во селата Дубона и Мало Орашје.
По злосторството кај Мали Пожаревац, осомничениот млад човек влегол во такси и седнал на задното седиште до девојка.
Според досегашните сведочења, тој имал бомба во раката и му наредил на таксистот да го вози до Вињиште кај Крагуевац. Таксистот му рекол дека првин ќе ја остави девојката до нејзината дестинација за која подоцна се дозна дека излажала оти е бремена за да се спаси, пишува „Телеграф“.
Според сведоците, осомничениот влегол во таксито многу нервозен, но со тек на времето успеал да се смири. Таксистот го однел во Вишњиште кај неговиот вујко, каде што бил уапсен рано наутро.
Само неколку дена подоцна, полицијата, по наредба на Вишото јавно обвинителство во Смедерево, го уапси и Р. Б., таткото на Урош, а минатата недела и вујкото. Тие се во притвор и против нив се води постапка.
Во Специјалната затворска болница во Белград веќе десет дена се врши вештачење на Урош Б.
Во Обвинителството го признал делото и кажал дека луѓето го омаловажувале.
Жртвите на Урош биле претежно млади луѓе, кои ги убивал со автоматски пушки и пиштоли.
Доколку се докаже дека убиството го извршил здрав, може да биде осуден на затворска казна до 20 години. Полицијата го пронашла оружјето со кое го извршил делото.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ и Путин ќе се сретнат во Кина

За време на посетата на Кина, претседателот на Руската Федерација, Владимир Путин, ќе се сретне со претседателот на Србија, Александар Вучиќ, изјави за медиумите помошникот на рускиот претседател, Јуриј Ушаков.
Путин ќе биде во Кина од 31 август до 3 септември, а ќе присуствува и на церемониите по повод 80-годишнината од крајот на Втората светска војна, како и на неколку билатерални средби.
Регион
Уапсена е мајката која го оставила бебето во Белград: било заврзано во кеса

По наредба на Вишото јавно обвинителство во Белград, полицијата ја уапси А.С. (2006), мајка за која постои сомнение дека го оставила своето седумдневно бебе покрај контејнер во Земун, пренесува „Блиц“.
Жената според медиумот е обвинета за обид за тешко убиство.
Бебето го пронашол случаен минувач околу 8:20 часот утрово. Било завиткано во крпи и врзано во кеса.
Според Маја Миладиновиќ, жената што го пронашла бебето, новороденчето тивко плачело, дека нејзиниот крик звучел како „мјаукање“.
– Го шетав кучето како секое утро по улицата Дунавска во Земун кога забележав дека нешто се движи зад контејнерот. Мислев дека лази, но кога се приближив видов дека е бебе. Бебето едвај дишеше и беше сино – вели таа.
Според неа, бебето било завиткано во пешкир.
Како што објави „Блиц“, детето било оставено зад контејнерот, меѓу грмушки и на куп ѓубре.
Екипата за итни случаи го транспортирала бебето во породилиштето во Земун, пишува Танјуг.
Фото: принтскрин
Регион
Министерството за внатрешни работи на Србија: Дачиќ примил плик со три куршуми во него

Српското Министерство за внатрешни работи соопшти дека вчера во зградата на владата на Република Србија е пронајден плик адресиран до вицепремиерот и министер за внатрешни работи, Ивица Дачиќ, во кој имало три куршуми.
Сомнителната пратка е откриена вчера за време на безбедносна проверка на рендгенски уред при сортирање пошта. Истрагата утврдила дека пликот бил предаден два дена претходно во филијалата на поштата на Србија во Пожаревац.
Полицијата го идентификувала и го пронашла лицето што го доставило пакетот, а истрагата за сите околности на настанот е во тек.
Министерството соопшти дека ги презема сите законски пропишани мерки и дејства со цел да се заштити безбедноста на граѓаните и на институциите.
Фото: принтскрин