Регион
Таткото на Данка за изјавата на осомничениот за нејзиното убиство: Ме погоди, нема да им простам

Таткото на малата Данка Илиќ, Милош Илиќ, го коментира изненадувачкото сведочење на еден од двајцата осомничени за нејзиното убиство. Да потсетиме, осомничениот Срѓан Јовановиќ вчера на неколкучасовниот распит изјави дека не е виновен за ова дело.
Според деталите од сведочењето што излегоа во српските медиуми, тој тврди дека не е виновен ниту за првичниот автомобилски удар во девојчето ниту за убиството на Данка. Притоа осомничениот за нејзиното убиство изјавил дека не го ни видел девојчето на 26 март годинава.
„Шокиран сум од ова што се случи денес. Зошто чекаше два месеца за да демантира сè сега. Се надевам дека оваа агонија ќе заврши што е можно побргу, не го очекував ова. Морам да кажам дека ме погоди, а детето нема да им го простам“, рече таткото на Данка, Милош Илиќ, коментирајќи ги потегот и однесувањето на осомничениот за убиството на ќерка му.
Тој рече дека е сосема нечуено осомничениот да негира сè.
„Ја крена цела Србија на нозе, сите чекаа да открие нешто, а тој рече – немам врска со тоа. Верувам дека тој можеби знае нешто“, рекол таткото на Данка.
Тој откри дека поради негативните коментари во јавноста оти неговото семејство е вмешано во ова грозоморно злосторство, тие се повлекле од социјалните мрежи, пренесува „Блиц“.
„Ги изгасивме мрежите, не можеме да ги читаме коментарите во кои нè обвинуваат. Па кој нормален би му наштетил на своето дете. Само за да се разоткрие сè, ќе ја отворам вратата од домот и ќе ја раскажам нашата приказна“, рече Милош.
Запрашан како тој и неговата сопруга се држат сите овие недели по убиството на нивната Данка, тој едвај проговори: „Засега се држиме поради нашиот син и бебето што го очекуваме“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Инциденти по протестот во Белград: Петпати фрлија солзавец, но луѓето бришат солзи и не се откажуваат, летаат јајца и шишиња по полицијата

Голема толпа народ не се повлекува од улиците на Белград иако студентскиот протест, преку кој испратија порака за предвремени парламентарни избори, заврши. Полициски кордони има насекаде и се обидуваат да ја потиснат масата луѓе. Граѓаните на многу места фрлаат со шишиња, лименки, камења и јајца по полицијата, се жалат дека се чувствува солзавец во воздухот, но велат дека нема да се откажат.
„Бевме пред кордонот полиција, во првиот ред. Петпати фрлија солзавец, но луѓето бришат солзи и не се откажуваат. Доста е страв, нема понатаму. Ова е нивен крај, не наш. Остануваме до крај“, вели за српската телевизија „Н1“ студентка која на протестот е со мајка си и не сака да си замине.
„Спуштете ги штитовите“ извикуваат граѓаните и не сакат да отстапат. Ставаат маски на лицата и пренесуваат повик „да не се откажуваме, се додека сме мирни, ништо не можат“.
Студентскиот протест на кој беа пренесени пораките за предвремени избори заврши мирно, а инцидентите почнаа во моментот кога студентите ги соблекоа елеците.
Регион
(Видео) Студентите на протестот во Белград ќе развеат знаме „какво што не се очекува“

Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва најавија дека ќе развеат знаме „какво што досега не е видено“. Откога почна протестот тие на социјалните мрежи објавија кусо видео од последните подготовки за изнесување големо знаме на улица со најава дека „тоа ќе биде знаме кое не сте го очекувале“.
Biće to zastava koju niste ocekivali pic.twitter.com/qeFNGlGmHD
— Žaklina Tatalović (@zaklina_prva) June 28, 2025
Протестот е предвидено да заврши во 21 часот кога истекува рокот кој студентите го дадоа на власта за распуштање на Народното собрание распишување предвремени парламентарни избори како и растурање на протестот во Пионерскиот парк каде некои студенти на контрапротест три месеци кампуваат и бараат продолжување на универзитетската година. За се што ќе се случува по 21 часот, студентите кажаа дека не се надлежни, а претседателот на Србија, Александар Вучиќ, попладнево рече дека очекува насилство, токму во периодот од 21 до 22 часот.
Регион
Плоштадот Славија во Белград се преполни, реки луѓе доаѓаат од сите страни на видовденски протест

Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки народ се уште доаѓаат кон плоштадот од сите страни на државата.
Студентите, поддржани од огромен број граѓани имаат две барања од властите. Првото барање е распуштање на Народното собрание и распишување предвремени парламентарни избори до 21 часот денес, а второто барање е да прекине протестот на некои од студентите кои бараат продолжување на универзитетската година и три месеци кампуваат во Пионерскиот парк во центарот на Белград.
Студентите кои го организираат протестот најавија дека тој ќе трае три часа, треба да заврши во 21 часот и се огласија за ненадлежни за се што ќе се случува по 21 часот.
Претседателот на Србија, Александар Вучиќ, денес изјави дека очекува насилство на протестот кое ќе почне меѓу 21 и 22 часот.