Регион
Татко ги зел двете деца како заложници и почнал да пука со „калашникови“: драма во Драч

Вистинската драма се одвивала во текот на ноќта во Драч, каде маж (40) ги земал во заложништво неговите две деца на возраст од 6 и 11 години и почнал да пука со калашникови.
Алекс Марку (40) испукал неколку истрели во станот, по што преплашените соседи повикале полиција.
На местото на настанот набрзо пристигнале бројни полициски екипи, а по неколкучасовни преговори полицијата утрово успеала да ги спаси децата и да го уапси осомничениот, пренесуваат медиумите во регионот.
Се започнало синоќа околу 2 часот и 20 минути, кога вознемирените соседи повикале полиција и рекле дека некој пука внатре во зградата.
При проверката на лице место било констатирано дека пукањето се одвивало во стан под кирија. Утврдено е дека Алекс, кој живее во Леж, изнајмил стан на седум дена и таму ги донел двете малолетни деца.
Полицијата неколку пати го повикала Алекс да ги пушти децата да се предадат, а тој одбил и со калашников пукал низ прозорецот.
При рацијата во станот, полицијата пронашла калашников, поголема количина муниција и 18 чаури.
Според полицијата, децата биле спасени и не се повредени.
Засега не е познато зошто А. М. се решил на ваков чекор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Регион
Големи пожари беснеат на најмалку пет различни локација во Грција

Во источниот дел на областа Атика, поширокиот регоион на Атина, во северна Грција, на островите Евија и Китира, како и во јужниот дел на Пелопонез, попладнево се активни големи пожари, а од бројот 112 за итни случаи беа испратени низа пораки до жителите на зафатените области.
Во пожарот во централна Евија, изгореа две противпожарни возило, а четворица пожарникари со полесни повреди на рацете и очите и со респираторни проблеми биле префрлени во болница.
Во сите пожари, беа превентивно евакуирани жителите на населените места во непосредна близина на огнената стихија, откако од бројот 112 за итни случаи беа испратени соодветни пораки.
За Атика, Евија и за дел од Пелопонез за денеска имаше предупредување за екстремно голема опасност од пожари, категорија пет, што воедно е и највисоката категорија во прогнозите за опасност од пожари на Министерството за цивилна заштита и климатски кризи на Грција.