Регион
Тачи: До договор со Србија преку мирна корекција на границите

Заокружувањето на разговорите и постигнувањето конечен договор помеѓу Косово и Србија е неопходно да се случи во брзо време, а тоа може да се постигне со договор за мирна корекција на границите, оцени претседателот на Косово, Хашим Тачи, во авторски текст доставен до медиумите во Приштина.
Тачи посочи дека долгорочната стабилност на Косово неизбежно е поврзана со членството во ОН, НАТО и ЕУ и оцени дека тие цели не можат да бидат исполнети ако во следните месеци не се постигне правно-обврзувачки договор со Србија.
Истакнувајќи дека и самиот смета оти Косово веќе направило доста болни компромиси, Тачи укажа дека реалноста е потврдоглава од тие аргументи.
„Признавањето од страна на Србија е главна пречка на нашиот евро-атлански пат. Некој може да каже дека Србија би требала да го признае Косово безусловно, што и јас би го сакал, но дали мислите дека можеме да ги убедиме Србите да го направат тоа? За жал не“, вели Тачи и додава дека тоа нема да успеат да го направат ни нивните силни сојузници САД, Германија, Англија, Франција, Италија.
Тачи истакна дека, поаѓајќи од овие причини, предложил корекција на границата со Србија и аргументира дека евентуален договор за мирна корекција ќе обезбеди признавање од страна на Србија и поврзување со Прешево, Бујановац и Медвеѓе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.
Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.
Регион
(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.