Регион
Тачи: Не можеме да си дозволиме да ја загубиме поддршката од ЕУ и САД
![](https://makfax.com.mk/wp-content/uploads/2018/02/hashim-tachi-640x360.jpg)
Косовскиот претседател, Хашим Тачи, престојува во Брисел, од каде што изрази надеж дека конечниот договор помеѓу Приштина и Белград ќе биде постигнат во текот на следните недели или месеци, со што ќе биде отворен патот за прием на Косово во Обединетите нации, наведуваат приштинските медиуми.
„Не можеме да си дозволиме да ја загубиме поддршката од Европската Унија и Соединетите Американски Држави“, рече Тачи.
Тој оцени дека Косово нема полојален сојузник од Вашингтон поради што треба, како и досега, да има доверба во САД.
Говорејќи за писмото што му го упати американскиот претседател, Доналд Трамп, Тачи коментира дека САД испратиле јасна порака.
„САД, конечно, проговорија и јасно порачаа – зближете се, постигнете договор што е можно порано за земјата да тргне кон евро-атлантската перспектива“, изјави Тачи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Фрлила новороденче во бунар: поднесена пријава против 21-годишна мајка од Хрватска
![](https://makfax.com.mk/wp-content/uploads/2020/02/beba_noge.jpg)
Против мајката, која во јули минатата година го фрли своето новороденче во бунар во Перушиќ, е поднесено обвинение, извести денеска Жупаниското државно обвинителство во Карловац.
„По спроведувањето на истрага, Жупаниското државно обвинителство во Карловац поднесе обвинителен акт против хрватски државјанин пред Општинскиот суд во Госпиќ за кривично дело убиство од небрежност од член 112, став 2 од Кривичниот законик/11.
Обвинението ја товари 21-годишната, обвинета дека на 30.7.2023 година на подрачјето на општина Перушиќ поради состојба на тежок психички стрес поради бременост и породување го сторила горенаведеното кривично дело на штета на нејзиното новородено дете“, се наведува во соопштението, пренесува „Вечерњи“.
Регион
Вучиќ: На 5.800 метри забележавме албански дронови, ги извидувале позициите на српската војска
![](https://makfax.com.mk/wp-content/uploads/2020/03/vucik.png)
Српскиот претседател Александар Вучиќ вчера се обрати пред медиумите во касарната „Бањица 2“ во Белград по завршувањето на седницата на проширениот колегиум на началникот на Генералштабот.
Тој предупреди дека буквално од сите правци се засилени воздушните извидувачки операции кон Србија.
Но, тој изјави дека границата не е помината. Рече дека на 5 и 20 јуни биле забележани албански беспилотни летала „Бајрактар“ како полетуваат од Ѓаковица, град во западно Косово.
Тој, како што пренесуваат медиумите во регионот, додал дека овие летала достигнале височина од речиси 5.800 метри „со намера да ги извидат позициите на српската војска“.
Коментирајќи ги заклучоците од седницата, тој рече дека се „модернизира и зголемува опремата и оружјето“, пренесува „Нова.рс“.
Тој призна дека не е задоволен од пополнувањето на единиците на српската армија „на северот на Србија, особено во Белград и Војводина“.
„Имаме многу предизвици. Во регионот се собрани големи сили, од значајни сили во земјите од регионот до огромен број членки на НАТО за кои сме убедени дека нема да бидат искористени против српскиот народ или Србија на кој било начин“, рече тој. Заклучи дека Србија мора да биде многу појасна во својата порака за одвраќање на секој потенцијален агресор.
Регион
Земјотрес ја погоди Грција
![](https://makfax.com.mk/wp-content/uploads/2023/02/zemjotres-3.jpg)
Земјотрес со јачина од 3,8 степени според Рихтеровата скала утрово ја погоди Грција, јавува ЕМСЦ.
Земјотресот е регистриран на Крит, на 63 километри од Ираклион, на длабочина од 14 километри.
Засега нема информации за повредени или материјална штета.
Земјотресот е регистриран во 9.34 часот по локално време.