Регион
Тачи ќе можe да гласа од притвор во Хаг

Поранешните началници и членови на ОВК притворени во Хаг ќе имаат можност да гласаат на претстојните парламентарни избори во Косово. Тоа му било потврдено на Танјуг во Специјализираните совети на Косово со седиште во Хаг.
„Специјализираниот совет, во соодветните законски рамки, ќе им помогне на затворениците да го искористат своето право на глас на претстојните избори“, изјавил судот. Изборите на Косово е закажани за следната недела, на 14 февруари.
Од притворот во Хаг ќе можат да гласаат: поранешниот претседател на Косово и поранешниот командант на ОВК, Хашим Тачи, како и Јакуп Красниќи, Кадри Весели, Реџеп Селими и Салих Мустафа.Тие се обвинети за воени злосторства и злосторства против човештвото во Косово во 1998 и 1999 година.
Право на глас од притвор ќе имаат и Хисни Гукати и Насим Харадинај, кои како претседател и потпретседател на Здружението на воени ветерани на ОВК, беа обвинети за заплашување на сведоците со објавување на нивниот идентитет пред јавноста.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Страшно злосторство во БиХ: млад човек убил друг, па се обидел да го распарчи телото

24-годишник брутално го убил својот врсник вчера во Високо во централна Босна.
Од Оперативниот центар на Министерството за внатрешни работи на Зеничко-добојскиот кантон потврдија за босански Аваз дека вчера во 18 часот и 35 минути во Полициската станица Високо влегло лице со иницијали И.М. и пријавил дека лице со иницијали Б.Д. (2001) од Високо му кажало дека во својот стан го убило лицето со иницијали П.Е. (2001).
„Пронајдено е безживотно тело. Увидот на местото на злосторството е извршен во текот на ноќта под надлежност на дежурниот обвинител“, соопштено е.
Првичните информации говорат дека младиот човек ја убил жртвата, а потоа ја исекол на парчиња во обид да го скрие телото.
Регион
Дете удри во дрво и загина на скијачка патека во Словенија

Дете трагично го загуби животот денеска на скијачката патека на Соришка планина. Несреќата се случила околу 9:40 часот, кога детето, скијајќи, излетало од патеката и удрило во дрво. Поради сериозноста на повредите, детето починало на лице место.
И покрај брзата реакција на екипите за прва помош, како и доаѓањето на хеликоптер од словенечката војска и полиција, спасувањето не било возможно.
Полицијата од Шкофја Лока апелира до сведоци на трагедијата да се јават на телефонскиот број 04 502 37 00 или на бројот 113 во Полициската станица Шкофја Лока.
Регион
Радев: Војната во Украина ја влече ЕУ кон дното

Претседателот Румен Радев предупреди за сериозните предизвици што ја очекуваат Бугарија и Европа поради војната во Украина и растечката опасност по безбедноста на регионот.
Тој изрази разочараност од недостигот на конкретни мерки за завршување на војната во Украина, посочувајќи дека Европа наместо мирно решавање на конфликтот, продолжува со неефикасни воени стратегии.
Шефот на државата ја критикува најавата на ЕУ за инвестиции во одбраната, истакнувајќи дека наместо реална поддршка, Бугарија ќе се соочи со сериозни економски последици и одбивање на важни инфраструктурни и социјални проекти.
Радев нагласи дека Бугарија мора да има самостојно планирање за модернизација на одбраната и армијата, без да чека насоки од странски институции.
Тој ја критикува владината блокада на важен бугарски инвестиционен проект за производство на барут, предупредувајќи на растечката нестабилност на меѓународниот пазар за муниција.
Претседателот на Бугарија предупреди дека Европа не може повеќе да игнорира реалноста на конфликтот во Украина и дека нејзината иднина е сериозно загрозена ако не се најде вистинско решение.
Радев ги потсети европските лидери дека мирот не може да се наметне од позиција на сила, посочувајќи дека Европа треба да работи на вистински дипломатски решенија, не на воени маневри.