Регион
То Потами ќе го поддржи преспанскиот договор

Центристичката грчка партија То Потами соопшти дека планира да ја поддржи ратификацијата на договорот за новото име на Македонија, објави весникот „Катимерини“.
По претпоставките за тоа дали и како ќе се изјасни партијата, То Потами официјално најави дека ќе го поддржи договорот.
Преку соопштение од партијата истакнуваат дека поддршката за преспанскиот договор не значи и поддршка за Ципрас, туку само за интересите на грчкиот народ.
„Нашето движење останува на позицијата дека спорот со ПЈРМ треба да биде решен и Грција треба да игра водечка улога во отворањето на европскиот пат за соседната земја“, се наведува во соопштението.
То Потами вели дека кога станува збор за националните прашања, не ја формираат позицијата врз основа на партискиот интерес ниту, пак, ги менуваат ставовите во зависност од подемите и падовите во даден момент.
„Имаме стабилни принципи, немаме идеолошки опсесии и не дејствуваме импулсивно“, експлицитно се наведува во соопштението.
Партијата има пет места во парламентот, кој брои 300 пратеници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Големо невреме во Загреб, ветерот крши ролени, урива дрвја

Голема промена на времето пристигна во Хрватска. Бура го погоди Загреб околу 10 часот наутро. Како што известуваат хрватските медиуми, ветерот дува силно и ги кине ролетните на куќите. Грми, врне и дува силно во целиот град.
Портокалова тревога е во сила за регионите Славонија, Истра, Кварнер и во Далмација, а жолта тревога е во сила за остатокот од Хрватска.
Температурите во делови од земјата ќе паднат за повеќе од 10 степени во споредба со вчера.
Регион
Дел од натстрешник се урна во центарот на Белград

Во центарот на Белград, пред продавница за парфеми, се урна таванот на натстрешник, пишува „Н1 Србија“.
Ова, најверојатно, се случило во текот на ноќта, а жената што работи во продавницата за парфеми изјавила за „Н1“ дека сè било во ред во текот на денот.
Властите поставија црвена лента на која пишува „внимание, опасност“, така што на граѓаните сега им е забрането да минуваат во тој дел од улицата.
Делови од таванот се наоѓаат и на самото шеталиште, а дел од него сè уште виси.
Регион
Македонец меѓу загинатите во Бугарија кога автомобил управуван од 19-годишник се заби во ресторан

Деветнаесетгодишен возач со автомобилот се заби во ресторан во Разград, Бугарија, при што загинаа три лица, меѓу кои 58-годишник, државјанин на Македонија, соопшти бугарската полиција.
Несреќата се случила по полноќ на улицата Гранчарска во градот. Според првичните информации, младиот возач ја изгубил контролата врз автомобилот, што ја предизвикало тешката несреќа. Тестовите за алкохол и дрога на 19-годишниот возач биле негативни, јавуваат бугарските медиуми.
Починатите се лица на возраст од 62, 64 и 58 години, кои биле во објектот во моментот на несреќата.