Регион
Три нови случаи на коронавирус во Словенија, нема починати од вирусот

Во последните 24 часа се потврдени три нови случаи на коронавирус во Словенија, а не се регистрирани нови смртни случаи, објави владата на Твитер.
Пријавени се два нови случаи во Нова Горица, град на границата со Италија и еден во Јесенице на северозапад. Вкупниот број на регистрирани случаи на коронавирус од почетокот на епидемијата се зголеми на 1.495, додека бројот на починати е 109.
Досега се тестирани 87.386 лица, а кај 1.495 од нив е потврдена инфекцијата. Само 6 лица се лекуваат во болницата од Ковид-19, 1.364 оздравеле, а кај 22 лица е активен вирусот. с
Како дел од олеснувањето на досегашните ограничувања, Словенија во понеделник ќе ја отвори границата со Италија, а по три месеци ќе се отворат и премините на границата со Хрватска.
Исто така, од понеделник, повторно се дозволени собири до 500 луѓе на јавни места, што отвора простор за одржување на спортски настани со помалку публика.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двокатен автобус oд Косово се заглави под подвозник во Загреб

Автобус од Косово се заглави пред најпознатиот подвозник во Загреб на улицата Мирамарска.
Возачот на автобусот се обидел да помине под подвозникот висок 3,65 метри.
Инцидентот предизвикал голем метеж во градското подрачје, пренесе „Индекс“.
Регион
Парламентарни избори во Албанија, Рама се бори за четврти мандат, а Бешира за враќање на власт по 12 години

Албанците денес гласаат на 11, парламентарни избори по падот на комунистичкиот режим. Право на глас имаат 3.721.116.
Лидерот на Социјалистичката партија Еди Рама, кој е премиер од 2013 година се бори за четврти мандат, а Сали Бериша, поранешен премиер и лидер на Демократската партија, се надева на враќање на власт по 12 години.
На овие избори, првпат, ќе гласа и албанската дијаспора. Прифатени се апликации на 245.93 лица надвор од земјата.
Во 12 изборни единици, на 5.225 избирачки места Албанците гласаат за 140 нови пратеници.
Регион
Српски бизнисмен брутално претепан во Загреб, крвав лежел пред хотел

Саша Мирковиќ, српски претприемач, музички продуцент и сопственик на „Хајп телевизија“, бил претепан пред хотел во центарот на Загреб, објавија српските медиуми.
Според нивните наводи, Мирковиќ и уште еден маж се сретнале на влезот во хотелот, по што дошло до вербален конфликт кој прераснал во физичка пресметка. Српски Телеграф објави снимки на кои се гледа како крвавиот Мирковиќ лежи на тротоарот, веднаш по тепачката.
Набрзо пристигнала брза помош и го однела во болница.