Регион
Турскиот брод за истражување нафта ја напушти позицијата и тргна кон север

Турскиот брод „Јавуз“ за истражување наоѓалишта на нафта и гас денес, за првпат по неколку месеци, ја напушти својата позиција југозападно од Кипар, поттикнувајќи надеж дека се ублажува ескалацијата на тензиите поради спорот за енергетските ресурси во источното Средоземје.
Функционерите во Никозија кажаа дека одредиштето на „Јавуз“ е непознато, но проценуваат дека, ако бродот продолжи да плови кон север, тоа би можело да биде уште еден знак за попуштање на тензиите бидејќи вечерва би можел да стигне до турските територијални води.
Грција и Турција спорат околу територијалните води богати со нафта и гас, а тензиите пораснаа кога Анкара го испрати истражувачкиот брод во спорниот дел од Средоземјето, придружуван од воени бродови.
Сојузничките во НАТО, Грција и Турција, воспоставија механизам за избегнување судири во источниот Медитеран, соопшти во четвртокот генералниот секретар на Алијансата, Јенс Столтенберг, што е дел од напорите да се ублажи спорот околу енергетските ресурси во регионот.
Германија ги предводи дипломатските напори за поширок дијалог и лидерите на Европската Унија се сретнуваат во Брисел за да расправаат за тоа како да се избегне секаква ескалација поради потрагата по нафта и гас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Тројца пациенти од Кочани се примени во болница во Варна

Тројца повредени во пожарот во Кочани вчера се примени на Клиниката за изгореници при ВМА-Варна, јави Бгнес.
Тие беа пренесени во Варна со воениот авион Спартан, кој првично слета во Софија, каде што пет пациенти беа сместени во болницата Пирогов.
Бугарија се обврза на лекување на 14 повредени во пожарот во Кочани.
Во пожарот што избувна во дискотека во Кочани животот го загубија 59 лица.
Регион
Авион на српската армија со 12 повредени во пожарот во Кочани пристигна во Белград

Дванаесет пациенти повредени во пожарот во дискотека во Кочани вчера вечер се пренесени од Македонија во Белград со авион CASA C-295 на српската армија, кои ќе бидат згрижени во Воената медицинска академија и во Клиничкиот центар на Србија, јави Танјуг.
Претходно, авион со четворица лекари и четворица медицински техничари полета за Македонија за медицинска евакуација на повредените во несреќата. Двајца пациенти кои претходно биле пренесени од Македонија со воени амбулантни возила се на лекување во Воената болница Ниш и Клиничкиот центар Ниш. За да им се пружи помош на повредените, планирано е двајца лекари од ВМА (пластичен хирург и анестезиолог) и еден медицински техничар – инструмент-оператор да останат во Македонија, пренесе српски Телеграф.
Најмалку 59 лица загинаа во пожарот што избувна ноќта меѓу саботата и неделата во дискотеката „Пулс“ во Кочани.
Регион
Новак Ѓоковиќ го објави македонското знаме со црна панделка

По големата трагедија се случи во Кочани, Македонија, каде што најмалку 59 лица го загубија животот по пожар во дискотека се огласи и српскиот тенисер Новак Ѓоковиќ.
Тој на социјалните мрежи го објави знамето на Македонија со црна позадина, испраќајќи поддршка до семејствата на загинатите и повредените.