Регион
Турција најави преиспитување на односите со Грција по одлуката на судот да не ги екстрадира војниците

Анкара „детално ќе процени“ како врз односите со Атина ќе влијае денешната одлука на грчкиот Врховен суд да одбие екстрадиција на турските офицери и подофицери, кои Турција ги сомничи дека учествувале во обидот за пуч.
Турското Министерство за надворешни работи, осудувајќи ја одлуката, која ја смета за „политички мотивирана“, уште додава дека ќе го процени влијанието на оваа одлука на билатералните односи меѓу двете земји и соработката во борбата против тероризмот.
Турските власти во четврток, непосредно по одлуката на грчкиот суд, издадоа налог за апсење на осум офицери и подофицери кои побегнаа во Грција по обидот за пуч.
Офицерите се противеа на екстрадицијата, бранејќи се дека ќе бидат малтретирани во затворот.
Грчкиот суд смета дека на офицерите не би им било обезбедено фер судење ако бидат екстрадирани во Турција. /крај/он/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Силен земјотрес во близина на Крит: ги вознемири жителите на островот

Силен земјотрес денес го погоди подрачјето во близина на брегот на Крит.
Епицентарот на земјотресот се наоѓа 31 километар источно-североисточно од Закрос на овој остров, објавува грчкиот „Прототема“.
Земјотресот се случил во 20:46 часот по грчко време, а сеизмичкиот потрес имал јачина од 5 степени според Рихтеровата скала, според Геодинамичкиот институт.
Длабочината на која се наоѓал епицентарот на земјотресот била 7,8 километри, објавуваат медиумите.
Регион
(Видео) Невреме во Србија: превртен камион, откорнати дрвја, поплавени улици

Силно невреме, проследено со јак ветер и дожд, денес зафати делови од Србија.
Само во Белград, ветерот собори дрвја и гранки на повеќе од 50 локации.
На социјалните мрежи беа објавени бројни видеа од паднати дрвја и скршени гранки.
Силниот ветер што дуваше во Нови Сад собори дрво.
Силен ветер дуваше и во Белград, а повремено имаше врнежи проследени со грмотевици.
Силна бура го погоди и Зрењанин.
Ветрот кршеше гранки од дрвјата, а поради дождот, водата остана на патиштата.
Налети на ветер превртеа камион кај Зрењанин, според написите во медиумите од регионот.
Регион
(Видео) Големо невреме во Загреб, ветерот крши ролетни, урива дрвја

Голема промена на времето пристигна во Хрватска. Бура го погоди Загреб околу 10 часот наутро. Како што известуваат хрватските медиуми, ветерот дува силно и ги кине ролетните на куќите. Грми, врне и дува силно во целиот град.
Портокалова тревога е во сила за регионите Славонија, Истра, Кварнер и во Далмација, а жолта тревога е во сила за остатокот од Хрватска.
Температурите во делови од земјата ќе паднат за повеќе од 10 степени во споредба со вчера.