Регион
Уапсени тројца Албанци кои побегнале од полициска станица на Крит
Грчката полиција уапси тројца Албанци од група од петмина осуденици кои во понеделникот наутро побегнаа од полициска станица во Ханија на Крит.
Пронајдените бегалци се лоцирани доцна синоќа во Ираклион, од каде нешто по полноќ биле префрлени во затворот во Ханија, а по останатите двајца сè уште се трага, јавува грчкиот портал „Катимерини“.
Полицијата им влегла во трага на тројцата бегалци откако го лоцирала украденото возило што го користеле бегалците.
При контрола на полициските органи пронајдени се еден нож и помала количина хашиш и хероин.
Уапсени се 43-годишен Албанец кој бил член на групата вооружени разбојници „Атика“, 29-годишен Албанец осуден за трговија со дрога и 32-годишен Албанец осуден за разбојништво.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.