Регион
Уапсен напаѓачот во ноќниот клуб во Истанбул

Мажот кој на новогодишната ноќ уби 39 луѓе во нападот во ноќниот клуб „Reina“ во истанбулскиот кварт Ортакеј, е уапсен во полициска операција во Истанбул во округот Есенјурт, пренесуваат во понеделникот ноќта турските медиуми.
Весникот Hurriyet, пишува дека мажот е уапсен во понеделникот вечерта заедно со неговиот син во квартот кој се наоѓа во европскиот дел на Истанбул. Весникот Daily Sabah, повикувајќи се на извори од истрагата наведува дека станува збор за државјанинот на Узбекистан, Абдулхадир Машарипов. Претходно весниците објавија дека неговото борбено име било Абу Мухамед Хорасан.
Џихадистичката групација Исламска држава ја презема одговорноста и за овој масакр во елитен ноќен клуб во Истанбул, како одмазда на Турција за нејзиното учество во борбата против оваа ултрарадикална организација во Сирија и во Ирак.
Напаѓачот ладнокрвно влегол во клубот на брегот на Босфор и според истрагата очигледно имајќи обука за вакво дејствување, усмрти за многу кусо време усмрти 27 странски и 12 турски државјани, а рани 65 луѓе.
Првично како напаѓач беше идентификуван жител на Киргистан, или Ујгур. Но турското разузнавање и антитерористичката полиција подоцна идентификуваа 34-годишен маж од Узбекистан кој припаѓа на централноазиската ќелија на Исламската држава./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео/Фото) Србите и Унгарците одржаа заедничка воена вежба

Србија и Унгарија одржаа заедничка воена вежба „Соседи 25“ со цел зголемување на нивото на соработка меѓу армиите на двете земји и размена на борбени искуства, соопшти српското Министерство за одбрана.
Вежбата се одржа на воениот полигон Пасуљанске ливаде со учество на припадници на Првата бригада на српската армија и 30-та механизирана бригада на Унгарија.
За време на повеќедневната вежба, војниците заедно ги вежбаа дејствата на единиците во тактички операции, вклучително и употребата на современи борбени возила, комуникациски системи и опрема за собирање и обработка на разузнавачки информации.
Ова е десетта заедничка вежба наречена „Соседи“ што ја спроведуваат вооружените сили на Србија и Унгарија.
Регион
Во Бугарија и Романија на сила црвен метео аларм поради обилни дождови

Во Бугарија и Романија на сила е црвен метео аларм поради обилни дождови. Обилните дождови продолжија да ја погодуваат Бугарија, што доведе до затворање на патишта, прогласување црвен метео аларм во неколку области, а 51 населено место останаа без електрична енергија поради бурата. Надлежните органи го интензивираат надзорот над сите мостови и инфраструктура што е потенцијално оштетена од поплавите, пишува денес „Новините“. Службениците предупредија дека секоја локација што е изложена на ризик ќе биде веднаш затворена.
Граѓаните се повикуваат да бидат внимателни, да избегнуваат патувања и да ги следат упатствата на надлежните служби. Бугарскиот национален институт за метеорологија и хидрологија прогласи црвен метео аларм, највисоко ниво на предупредување, за осум области каде што се очекуваат повеќе од 65 литри дожд на квадратен метар, пренесува Танјуг.
Во исто време, властите објавија дека Бугарија ќе побара помош од Европскиот фонд за солидарност за погодените места поради предизвиканите штети.
Метеоролозите во Романија денес го продолжија црвениот временски аларм поради предвидените обилни врнежи од дожд за пет области и градот Букурешт со можност за врнежи до 140 литри на квадратен метар.
Според најновото предупредување на Романската национална метеоролошка управа (ANM), од 21 часот на 7 октомври до 15 часот на 8 октомври се очекуваат обилни врнежи од дожд во неколку области, пишува романската новинска агенција Аѓерпрес.
Фото: принтскрин
Регион
Убиен судија на Апелациониот суд, во судница во Тирана

Судијата Астрит Каљаја беше убиен денес во Апелациониот суд во Тирана додека траеше рочиштето.
Напаѓачот, засега непознат, влегол во судницата и го застрелал Каљаја, кој бил однесен во болница каде што му била пружена медицинска помош, објавува „Албанија пост“.
На местото на настанот, според медиумот, има бројни полициски сили, кои веднаш го уапсиле осомничениот сторител, а како што се наведува, идентитетот на напаѓачот и мотивите на нападот засега се непознати.
Судијата Астрит Каљаја служел со години во албанскиот судски систем, а неодамна во Апелациониот суд во Скадар.
Тој го поминал процесот на верификација во 2019 година, каде што бил потврден на функцијата од Независната квалификациска комисија, а потоа и од Специјалниот жалбен панел во 2022 година.
Фото: принтскрин