Регион
Убиецот од Градачац сѐ уште не е погребан – трошоците за чување на телото во ладилник паѓаат на товар на Градот
Поминаа речиси три месеци откако Нермин Сулејмановиќ изврши тројно убиство во Градачац по што следуваше самоубиство. Сулејмановиќ ги убил својата невенчана сопруга Низама Хеќимовиќ и Денис и Ѓенгиз Ондер. Тој рани и три лица. Убиството на сопругата го пренесуваше во живо на „Инстаграм“.
Телото на Сулејмановиќ сѐ уште е во Комеморативниот центар во Тузла и тој не е погребан, потврди за „Аваз“ првиот човек на Комеморативниот центар, Фарук Латифагиќ.
Латифагиќ вели дека чувањето на телото на Сулејмановиќ во фрижидер досега чини речиси 1.529 евра, а трошоците ќе треба да ги плати градот Градачац.
Директорот на Комеморативниот центар во Тузла тврди дека чичковците и братучедот на Сулејмановиќ со месеци бараат да биде погребан, но никој не сака да даде гробно место.
„Дури и Градот е спремен да плати за сѐ. Но, никој не дава место за погреб, така што засега нема ништо од погребот. Дозвола за погреб има, но без гробно место сѐ уште се чека. Градот ќе сноси овие трошоци за чување на телото. Таква е процедурата. Сè им е фактурирано“, изјави Латифагиќ за „Аваз“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.