Регион
Удрил жена со лакотот в лице, фатил девојка за главата и ја удрил од банкоматот: напаѓал жени во центарот на Загреб

Полициски службеници во Загреб спроведоа кривична истрага против 34-годишен маж поради сомнение за сторени кривични дела тешка телесна повреда, оштетување туѓ имот и насилничко однесување врз жени на возраст од 20, 30 и 65 години.
34-годишниот осомничен во средата, 5 февруари, околу 18.45 часот, на подрачјето на Медвешчак, се сомничи дека извршил кривично дело тешка телесна повреда на тој начин што физички нападнал случајни минувачи додека се движел по улицата мавтајќи со рацете и удирајќи во нив. А со намера тешко да ја повреди, се доближил до жена и со лакотот ја удрил во лицето и тешко ја повредил, при што таа паднала на земјата, јавуваат тамошните медиуми.
Од ударот ѝ ги оштетил очилата на жртвата и со тоа сторил кривично дело оштетување туѓ имот, јавува загрепската полиција.
Потоа тој продолжил и сторил исто кривично дело со насилничко однесување на начин што одејќи
по улицата, се доближил до 30-годишна жена, која стоела пред банката и без повод ја фатил за главата и ја ударил во банкоматот по што таа успеала да се извлече, но тој повторно се обидел физички да ја нападне, жената успеала да побегне со тоа што влегла во продажен објект и побарала помош.
Напаѓачот потоа пред трамвајска станица во близина на објект за давање услуги за сместување се упатил кон 20-годишна жена и без причина ја удрил со телото, односно физички ја нападнал, при што повредената жена паднала на земјата и добила полесни повреди.
Осомничениот на местото на настанот бил задржан од двајца граѓани до пристигнувањето на полициските службеници, кои го привеле.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Министерството за внатрешни работи на Србија: Дачиќ примил плик со три куршуми во него

Српското Министерство за внатрешни работи соопшти дека вчера во зградата на владата на Република Србија е пронајден плик адресиран до вицепремиерот и министер за внатрешни работи, Ивица Дачиќ, во кој имало три куршуми.
Сомнителната пратка е откриена вчера за време на безбедносна проверка на рендгенски уред при сортирање пошта. Истрагата утврдила дека пликот бил предаден два дена претходно во филијалата на поштата на Србија во Пожаревац.
Полицијата го идентификувала и го пронашла лицето што го доставило пакетот, а истрагата за сите околности на настанот е во тек.
Министерството соопшти дека ги презема сите законски пропишани мерки и дејства со цел да се заштити безбедноста на граѓаните и на институциите.
Фото: принтскрин
Регион
Четиригодишно дете од Србија за малку ќе се удавело на Халкидик: уапсен таткото

Четиригодишно момче од Србија за малку ќе се удавело вчера на плажа на Халкидик, а полицијата го уапси таткото по инцидентот, пренесуваат медиумите во регионот.
Вистинската драма се одвиваше вчера попладне на плажата Калитеа, во општина Касандра, кога четиригодишно момче од Србија речиси ќе се удавело додека беше на одмор со своето семејство во Грција.
Според крајбрежната стража, откога на четиригодишното момче му беше укажана прва помош од спасувач на плажата, тоа беше пренесено со брзата помош првин во Здравствениот центар – Касандра, а потоа во Општата болница на Халкидик за понатамошен медицински третман.
Потоа полицијата го уапси таткото на момчето за прекршување на член 306 од Кривичниот законик. Не е познато дали детето било само во водата во времето на инцидентот.
Фото: принтскрин
Регион
Бебе старо 7 дена пронајдено покрај контејнер во Белград

Во раните утрински часови во Земун, на улицата Дунавска, покрај контејнер, пронајдено е новороденче. Како што дознава српски „Телеграф“, станува збор за бебе старо само седум дена.
Детето било завиткано во пешкир, а по пристигнувањето на брзата помош, покажувало знаци на живот. Веднаш било пренесено во Клиничката болница Земун, каде што му била укажана медицинска помош.
Повеќе информации засега не се познати.
фото: принтскрин