Регион
Украински пратеник покрена петиција за признавање на независноста на Косово
Украинскиот пратеник Олексеј Гончаренко поднесе петиција до претседателот Володимир Зеленски со барање за признавање на независноста на Косово. Доколку петицијата собере најмалку 25.000 потписи, Зеленски ќе мора официјално да одговори на неа.
„Украина сега мора да го поддржи Косово!“, напиша Гончаренко на Твитер.
„Во контекст на влошувањето на ситуацијата на Косово и агресивната политика на Србија кон Косово, му предлагам на претседателот на Украина Володимир Зеленски да ја разгледа можноста за признавање на државниот суверенитет и независност на Република Косово. Зошто тоа да се направи Сега? Независноста на Косово ја признаваат половина од членките на ОН, вклучително и САД, како и повеќето земји од ЕУ и НАТО“, стои на почетокот на петицијата.
I filed a petition to the President of Ukraine with a request to recognize the independence of Kosovo.
If the petition collects 25,000 signatures, the president must respond to it.
Ukraine have to support Kosovo right nowhttps://t.co/FZyTI7WRGQ
— Oleksiy Goncharenko (@GoncharenkoUa) December 14, 2022
„Меѓународниот суд на правдата на ОН уште во 2010 година призна дека декларацијата за државен суверенитет на Косово не е во спротивност со нормите на меѓународното право и дека не прекршува ниту една резолуција и меѓународни акти. Русија не го признава Косово и ја смета таа земја за српска. Во исто време, пропагандистите на Кремљ тврдат дека е неопходно да се воспостави „ист поредок каков што го создаде Путин на 24 февруари“ на Балканот, се наведува.
„Претставниците на партијата на претседателот Вучиќ се залагаа и за денацификација на Балканот. Русија заедно со Србија се обидува да започне војна, оправдувајќи ги своите постапки со национално прашање. Токму сега, признавањето на независноста на Република Косово ќе ја покаже поддршката и солидарноста на Украина во борбата за територијалниот интегритет и суверенитет на оваа држава“, се додава во барањето.
„Истотака ќе покаже дека Украина, заедно со демократскиот свет, ја поддржува правдата и застанува на страната на вистината. Затоа, со оваа петиција, заедно со јавноста, бараме од претседателот на Украина да донесе одлука во однос на Косово како што поскоро“, заклучува Гончаренко.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Маж во Тузла ги убил сопругата и двете деца
М.Ч. синоќа во Тузла ги убил сопругата и двете малолетни деца, а потоа си го одзел животот скокајќи од 14 кат од зграда.
Маж се самоуби синоќа околу 21 часот и 15 минути, а денеска полицијата во станот го пронашла телото на неговата 34-годишна сопруга и децата на возраст од две и девет години.
Според неофицијалните информации кои ги објавија сараевските медиуми, мажот работел како медицински техничар во Германија, а во Тузла пристигнал пред неколку дена.
Истражните екипи денеска пронајдоа секира во станот во населбата Ступине во Тузла, со која наводно ги убил сопругата и децата.
Портпаролот на обвинителството во Тузла, Адмир Арнаутовиќ изјави дека ќе бидат издадени наредби за обдукција на телата на загинатите за да се утврдат точните причини за смртта.
Ќе биде издадена наредба за биолошко вештачење, ДНК анализа, како и други истражни дејствија и вештачења, со цел да се утврдат сите околности поврзани со овој настан, вклучително и начинот и начинот на трите убиства“, рече Арнаутовиќ.
Регион
Вучиќ изрази сочувство за смртта на Раиси
Претседателот на Србија, Александар Вучиќ, изрази сочувство до народот и владата на Иран во врска со смртта на претседателот на таа земја, Ебрахим Раиси.
„Изразувам сочувство до народот и владата на Исламската Република Иран за смртта на претседателот Ебрахим Раиси, искрен и доследен пријател на Србија“, напиша Вучиќ на својот профил на мрежата Х.
Хеликоптерот со Раиси и министерот за надворешни работи Хосеин Амир-Абдолахиан се урна во неделата во северозападниот дел на Иран, во областа Верзеган, а покрај двајцата загинаа уште шест лица.
Регион
18-годишник е уапсен бидејќи го запалил хрватското знаме и го споделил на социјалните мрежи
Осумнаесетгодишник е уапсен во Славонија бидејќи на 1 мај го запалил хрватското знаме во шумата кај Трпија.
Како што дознала полицијата, тој тоа го снимил и го објавил на социјалните мрежи.
„На овој начин тој јавно го подложи знамето на Република Хрватска на потсмев и грубо омаловажување и на јавноста и стави на располагање видео од тој чин преку компјутерска мрежа, во кое повикува на насилство или омраза насочена кон група луѓе поради нивната национална или етничка припадност“, наведува полицијата во кривичната пријава.
Пријавата го товари младиот човек за јавно поттикнување насилство и омраза и нарушување на угледот на Република Хрватска. За овие злосторства му се заканува затворска казна до три години.
Од полицијата потврдија дека со решение на Жупанискиот суд во Вуковар, на 18-годишникот му е одредена мерка притвор.