Регион
Условените преговори со ЕУ во Албанија – за едни успех, за други фијаско
 
																								
												
												
											Одлуката за условени преговори на Тирана со ЕУ во Албанија е дочекана со различни коментари на власта и опозицијата.
Премиерот Еди Рама е задоволен од одлуката за почеток на преговорите во 2о19 година со дадените услови, но притоа нагласува дека опозицијата во земјата многу негативно влијаела во одлуките на некои од земјите членки на ЕУ. Рама притоа наведува дека лидерот на опозицијата Лулзим Баша директно работел со цел Тирана да не добие зелено светло уште оваа година за преговорите за ЕУ.
Албанскиот претседател Илир Мета бара од двете политички струи во земјата разумно да го анализираат извештајот околу условениот датум на преговорите и додава дека властите треба да работаат во текот на наредните месеци, со цел сосема да ги надминат проблемите кои се наведени во одлуката .
Од друга страна, опозицијата во Албанија извешајот за условени преговори до 2о19 година го коментираат како фијаско на Владата на Еди Рама.
Претседателот на најголемата опозициона Демократска партија, Лулзим Баша изјави дека по овој неуспех јасно е дека Рама потфрлил и треба да си поднесе оставка.
„Сега е време народот да одлучи на власт да дојде опозицијата“, истакнува Баша.
Амбасадорката на ЕУ во Тирана, Романа Влахутин и американскиот амбасадор во Тирана Доналд Лу, одлуката на Брисел за Албанија ја оценуваат како позитивна и бараат целосно спроведување на реформите во земјата, за Тирана да биде подготвена за преговорите идната година.
Албанските аналитичари оценуваат дека по овој условен извештај за Албанија можни се нагласени политички тензии во текот на летниот период. Според нив, се очекува опозицијата да продолжи со протестите, додека пак власта предводена од премиерот Рама да се обиде со подршка на меѓународниот фактор да се спротивстави директно на големата корупција, криминал и незаконските активности во повеке сфери во земјата.
К.М.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
 
																	
																															Регион
(Видео) Уапсен опозициски политичар во Србија
 
														Полицијата го уапси го уапси Миша Бачулов, член на градскиот совет и претседател на граѓанската група „Буди херој“ во Нови Сад.
Медиумите блиски до претседателот на Србија, Александар Вучиќ, тврдат дека се сомнева дека Бачулов планирал да лажира сопствено труење и да го обвини српскиот претседател Александар Вучиќ и државниот врв за обид за убиство. Според нивните извори, целта на наводната инсценација била да се предизвика бунт кај граѓаните за време на утрешните протести во Нови Сад и да се поттикнат конфликти и насилство на улиците.
Објавено е видео од апсењето, кое покажува дека истото го извршиле специјални полициски службеници во полна опрема.
SRAMNO!
Pripadnici Uprave kriminalisticke policije malo pre su u Novom Sadu uhapsili Mišu Bačulova.
Navodno je hteo da se otruje i da za to optuži Vučića. Kako bi izazvao masovne proteste sutra u Novom Sadu?!
Sad će sve da nas hapse pod izgovorom da ne dignemo ruku na sebe! pic.twitter.com/iaa0YToQ1O
— 1. NOVEMBAR (@novosadske) October 31, 2025
Бачулов, познат по своите критички изјави против владата, претходно учествувал во организирањето на протести и политички акции на опозицијата во Војводина. Министерството за внатрешни работи сè уште официјално не ги објави деталите за апсењето.
Зборуваме за човек чие видео пред неколку недели Вучиќ го објави на телевизија, обидувајќи се да сугерира дека имал некаква
Регион
Разбиена мрежа на руски платеници, меѓу нив има и граѓани на Босна и Херцеговина
 
														Европол ја поддржа втората фаза од заедничката истрага на молдавската и украинската полиција против руски платеници осомничени за учество во воени злосторства во Украина, објави денес Европската агенција за полициска соработка.
Истрагата, предводена од меѓународниот тим за криминал на Европол, идентификуваше 654 членови на руските приватни воени групи Вагнер и Редут кои учествуваа во борбени операции против Украина.
Според соопштението за медиумите на Европол, меѓу осомничените се државјани на Украина, Молдавија, Казахстан, Узбекистан, Таџикистан, Туркменистан, Азербејџан, Ерменија и Босна и Херцеговина.
Сите се обвинети за воени злосторства како што се сексуално насилство, егзекуција на воени затвореници и цивили.
За време на операцијата, која беше спроведена на 29 октомври, полицијата спроведе 70 претреси на куќи во Молдавија и Украина и заплени оружје, муниција, воени униформи, ознаки на Вагнер и електронска опрема.
Собрани се и видеа и фотографии што укажуваат на учество на молдавски и украински државјани во борбите во Украина и Демократска Република Конго како дел од овие руски паравоени формации.
Украинските власти споделија, преку безбедните канали на Европол, 280 имиња на странски државјани осомничени за учество во борбите. Од почетокот на истрагата, откриени се кампови за обука и регрутирање, мапирани се командни структури и документирани се бројни воени злосторства – егзекуции на цивили, употреба на забрането оружје и напади врз украински градови.
Досега, 11 украински државјани се обвинети за велепредавство за приклучување кон групите Вагнер и Редут.
Регион
(Видео) Белградските студенти спиеја на улиците и го продолжија своето патување кон Нови Сад
 
														Белградските студенти и граѓани пристигнаа во градот Инѓија (кој се наоѓа помеѓу Белград и Нови Сад) синоќа, каде што спиеја на улиците.
Утрово, фотографите фотографираа куп душеци, перници, ќебиња и прекривки на градската улица.
За потсетување, околу 5.000 студенти пристигнуваат во Нови Сад во текот на денот, каде што утре ќе се одржи голем комеморативен собир по повод годишнината од уривањето на настрешницата на железничката станица во овој град, при што загинаа 16 лица, што предизвика бран на студентско и граѓанско незадоволство од режимот, кој не ги казни одговорните дури ни по една година.
Студентите пристигнуваат пеш и со велосипеди од цела Војводина и Србија, а најдолгата дистанца ќе ја поминат оние од Нови Пазар кои тргнаа кон Нови Сад за да ја одбележат годишнината од трагедијата на 16 октомври, поминувајќи речиси 400 километри.
Во меѓувреме, патничките возови до Нови Сад се откажани и нема да сообраќаат денес попладне и наутро на 1 ноември, јавува N1 Србија.
Како што неофицијално дознава N1, Српските железници одеднаш престанаа да продаваат билети во текот на денот, а машиновозачите беа известени на станиците каде што се најдоа дека повеќе нема да работат – до понатамошно известување.
Властите го попречија железничкиот транспорт за време на претходните протести поради наводни закани со бомби, кои, никогаш не беа потврдени.
Фото:принтскрин


 
									 
																	 
									 
																	 
									 
																	 
									 
																	 
									 
																	 
									 
																	 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											