Регион
Уставниот суд на Хрватска ја испитува уставноста на кандидатурата на Милановиќ
Уставниот суд на Хрватска соопшти дека ќе ја испита кандидатурата на претседателот Зоран Милановиќ на парламентарните избори на 17 април, од кои јасно се гледа дека тој сака да биде премиер на идната влада.
Објавувањето на Милановиќ за неговата кандидатура, веднаш по објавувањето на изборите, во петокот предизвика изненадување и дебата во земјата. Некои сметаат дека претседателот треба да поднесе оставка пред да се кандидира на тие избори.
На нешто помалку од една година до крајот на претседателскиот мандат, Милановиќ изјави дека ќе биде носител на листата на Социјалдемократската партија (СДП) во Загреб.
Милановиќ (57), кој веќе беше премиер од 2011 до 2016 година, формално ја напушти СДП на почетокот на 2020 година, пред да стане претседател.
Шефот на хрватската држава има ограничени овластувања, но тој е врховен командант на армијата.
Лидерот на СДП Пеѓа Грбин денеска изјави дека не гледа „формална или правна пречка“ Милановиќ да остане на функцијата претседател, но го повика Уставниот суд да даде свое мислење, нагласувајќи дека одлуката ќе се почитува без разлика на се е.
Судот најави дека во понеделник ќе се состане и ќе ја разгледа уставноста и законитоста на изборите во однос на кандидатурата на претседателот на Републиката Зоран Милановиќ на парламентарните избори“.
Премиерот Андреј Пленковиќ, кој е на таа функција од октомври 2016 година и има намера да добие трет мандат, ја критикуваше одлуката на претседателот да ја започне изборната кампања без претходно да поднесе оставка.
Пленковиќ е лидер на конзервативната Хрватска демократска заедница (ХДЗ) и е во постојан вербален конфликт со државниот претседател Милановиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ужас во Загреб: пронајдено тело во автомобил во одводен канал
Граѓани попладнево во одводен канал во Загреб пронашле возило со тело на непознато лице, соопшти полицијата.
Повикот во полиција стигнал нешто по 13 часот.
Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист.
Истрагата е во тек.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.