Регион
(Фото) Голем пожар избувна на Евзони: густ чад се шири над граничниот премин

Грчкиот портал „Прототема“ пишува дека пожарот кај Евзони избувнал нешто по 12 часот на тревната површина. На гаснење на пожарот работат 22 пожарникари и 10 возила.
Поради пожарот, затворен е патот кон граничниот премин Евзони, а сообраќајната полиција го пренасочувала сообраќајот, пишува „Прототема“.
Φωτιά στα σύνορα των Ευζώνων- Έκλεισε το τελωνείο https://t.co/p1FvZuOOxg pic.twitter.com/5gBjdZ2HWA
— Makeleio.gr (@Makeleio_gr) July 17, 2024
Како што може да се види на фотографиите објавени во фејсбук-групата „Грчка инфо“, пожарот избувнал во шумата во близина на границата. Се крева густ чад, а се гледа и голем пламен.
Туристите известуваат дека граничниот премин е привремено затворен.
Како што пренесува грчкиот портал newsbomb, на местото на настанот има и хеликоптер, кој го гасне пожарот од воздух.
АМСМ исто така извести дека сообраќајот на граничниот премин Евзони – Грција е во прекин, а возилата се пренасочуваат на граничниот премин Дојран.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
„Исклучете го ова!“ – на настап на српска пејачка активирана пиротехника, таа веднаш јавно реагираше

Српската пејачка Барбара Бобак, настапи синоќа, на 28 март, во Загреб.
За време на нејзиниот настап во клубот, додека беа вклучени огнените прскалки, Барбара реагираше и меѓу стиховите рече: „Исклучете го ова“.
Реакцијата е поради трагедијата во Кочани, кога најмалку 59 лица ги загубија животите во пожар во дискотека. Меѓу загинатите има и членови на популарниот бенд ДНК, пишува српски „Телеграф“.
Со оглед на сериозноста на настанот, Барбара сакала да избегне слична ситуација, потсетувајќи ги сите на одговорноста за безбедноста за време на забавата.
И петходно Барбара Бобак, дента кога се случи трагедијата во Кочани, изрази загриженост за употребата на пиротехнички средства.
„Ужас, не можев да поверувам, тоа беше првото нешто што го прочитав кога се разбудив. Ми беше многу тешко, особено затоа што дури подоцна сфатив дека тоа се случило, колку што можев да видам, поради тие проклети огномети, кои ме тераат да врескам и никогаш да не ги пуштам. Тоа е ѓубре, и тие се очигледно опасни, многу ми е жал, јас сум отсутна, не знам што да кажам. Мислам дека треба да се воведе закон за забрана на пиротехника“, изјави на 16 март пејачката за „Блиц“.
„Телеграф“ потсети и дека меѓу оние што го преживеаја пожарот во Македонија, многумина се префрлени во болниците во Србија. Трагедијата длабоко ја потресе и пошироката јавност, потсетувајќи на важноста од обезбедување безбедност на јавни места, што Барбара, како што пишува „Телеграф“, не сакала да го занемари.
Регион
Во повеќе градови во Бугарија големи протести против злоставувачите на животни: „Сакаме затвор, а не парични казни“

Во повеќе градови во Бугарија и денес се одржа сенароден протест за одбрана на животните.
Во Софија незадоволните граѓани кренаа плакати: „Доживотен затвор за изродите“, Стоп за злоупотреба на животни, Затвор за убијци на животни“.
Демонстрантите повторно побараа затвор за злоставувачите на животни, а не парични казни. Тие носеа и натписи: „Нема оправдување за оваа тортура“.
Во Бургас се одржа втор протест против насилството во сите негови форми. Пред зградата на судот, стотици граѓани, заедно со нивните миленици, се собраа да побараат правда, пренесе „БГНЕС“.
„Ова мора да престане! 360 случаи, 9 обвинети, смешни казни! Потребна ни е контрола, регистар на продадени животни, вистинска превенција и буџет за обука на специјализирани служби. Но што е најважно – треба да знаеме кој ги одложува овие промени ма цивилизирано општество!“, изјави организаторот на протестот Николај Ќучуков.
Во Благоевград десетици луѓе со своите миленици се собраа пред Судската палата со барања да не се игнорираат инцидентите на злоупотреба на животни и сторителите да добијат правична казна.
Во Варна, демонстрантите се собраа пред зградата на општината, а потоа мирно маршираа до Плоштадот на независноста во градот. Луѓето скандираа и држеа плакати со натписи: „Не за агресијата кон бездомните животни“ и „Тие умираат без своја вина“.
Демонстрантите се надеваат дека реакцијата на јавноста ќе донесе правични казни за насилниците, законски измени во корист на животните и нетолеранција кон агресија и насилство во која било форма.
„БГНЕС“ потсетува дека 26-годишната Габриела Сашова и 35-годишниот Красимир Георгиев се обвинети дека за пари снимиле страшни видеа на злоставување животни. Окружниот суд Перник ги стави двајцата обвинети во притвор.
Сашова и Георгиев ги снимале бруталните видеа во име на „клиенти“ од целиот свет и примале плаќање во криптовалути и преку разни онлајн платформи.
Регион
Драма на небото над Хрватска: авион полета за Фанкфурт, па се врати назад за 20 минути

Авион на „Кроација ерлајнс“ кој утринава полета од Загреб за Франкфурт се врати на аеродромот „Фрањо Туѓман“ по само 20 минути лет, јавуваат патниците.
Авионот морал да се врати поради технички проблеми.
„Мала техничка неисправност. Сега седиме во авион во Загреб“, вели патникот, пренесе „Вечерњи“.
Како што се додава станува збор за авион „Даш 8“, кој е дел од националниот превозник од 2008 година, што значи дека лета веќе 17 години.
За таков модел, тоа е приближно две третини од работниот век, што во Европа е во просек 25 години.
Авионот е еден од петте вакви турбопромотори што ги има Хрватска во својата флота, 9A-CQA е најстар. Во последните седум дена имаше во просек по седум лета дневно.