Регион
(Фото) Објавен и деталниот план на детето-убиец од Србија

Коста К.(14) утрово во училиштето „Владислав Рибникар“ во Врачар уби девет лица, меѓу кои осум ученици и чуварот на таа образовна институција. Коста К. долго време го планирал делото, а повеќе од еден месец работел како да го спроведе својот план во станот.
Полициските службеници објавија список на лица кои ученикот Коста К. планирал да ги убие. Во својата соба имал и хартии на кои се гледа дека изработува план како да ги реализира своите намери.
На еден лист се гледа дека нацртал како изгледа училиштето „Владислав Рибникар“ и по катови поделил кое одделение каде има часови.
На лист хартија напишал и кои се неговите „приоритетни цели“.
Како што соопшти претходно денеска началникот на белградската полиција Веселин Милиќ, се уште не е утврден мотивот за грозоморното злосторство кое ја потресе јавноста.
„Училницата по историја беше во близина на влезот на училиштето, а неговиот клас го имаше првиот час по историја. По пристигнувањето во училиштето веднаш пукал во обезбедувањето Д.В., по што се свртел кон децата и пукал“, изјави Милиќ.
Зборувајќи за списокот со имињата на студентите кои планирал да ги ликвидира, Милиќ го истакна следново:
„Скицата изгледа налик нешто на видео игра или хорор филм што покажува дека тој детално планира како да влезе во училиштето и колкав број убиства од VII-2, VII-3, VIII-4. Изразувам сочувство од МУП и од мое лично име“, заклучи тој.
Инаку Коста К. утрово околу 8 часот упаднал во училиштето во Врачар и со истрели од огнено оружје уби девет лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Маж фрли молотов коктел врз Куќата на цвеќето, го фати обезбедувањето

Белградската полиција го уапси 55-гпдишниот Г.М. под сомнение дека фрлил молотов коктел врз Куќата на цвеќето, објави српски Телеграф. По наредба на обвинителството, му е одреден притвор до 48 часа.
Тој е осомничен дека се обидел да го запали Музејот „25 Мај“, местото каде што е погребан поранешниот југословенски претседател Јосип Броз Тито, околу 6 часот утрово.
Човекот е уапсен по интервенцијата на полицијата. Нема повредени.
Пожарот ја оштетил влезната врата од Куќата на цвеќето. Според Телеграф, полицијата била повикана од обезбедувач. Тој пријавил дека еден човек дошол пред Музејот, најверојатно држејќи молотов коктел, и се заканувал дека ќе ја запали зградата.
„Се приближил до зградата и фрлил запалива течност. За среќа, обезбедувачот го фатил и ја повикал полицијата“, пишува Телеграф.
Неофицијално, се дознава дека човекот при апсењето рекол дека сакал да го запали „усташкото гнездо“.
фото: принтскрин
Регион
(Видео) Изгоре луксузна јахта во Будва: сопственикот бил на бродот кога избувнал пожарот

Црногорските противпожарни екипи го изгасија пожарот што избувна на јахта во марината во Будва.
Ова за црногорски „Вијести“ го потврди и раководителот на Службата за заштита и спасување на Будва.
Полициската управа соопшти дека околу 20:15 часот во неделата, полицијата во Будва била известена од сопственикот на јахта закотвена во пристаништето во Будва дека избувнал пожар додека сопственикот бил на бродот.
Јахтата е во сопственост на бизнисменот Б. М., а полицијата објави дека сопственикот на јахтата рекол дека пожарот најверојатно се случил поради дефект.
Пловилото било извлечено од пристаништето откако избувна пожарот кратко по 20 часот, заради безбедност на другите бродови. Седум екипи беа ангажирани за гаснење на пожарот.
фото: принтскрин
Регион
Турист почина кај Неа Врасна, бил извлечен од морето

61-годишен државјанин на Србија трагично почина во морската област Неа Врасна во близина на Солун.
Мажот бил извлечен во бесознание од морето денес напладне. Според соопштението на крајбрежната стража, тимот за итни случаи на ЕКАБ веднаш му укажал прва помош, но без успех, по што телото било префрлено во Здравствениот центар Неа Мадита.
Прелиминарната истрага ја води Вториот оддел на пристаништето Ставрос на пристанишната управа на Јерисос, кој нареди обдукција за да се утврди точната причина за смртта, пренесува „Прототема“.