Регион
Харадинај: Верувам во САД, нѐ поддржуваат од 1999 година

Косовскиот премиер, Рамуш Харадинај, изјави дека САД нема да престанат да ја поддржуваат Приштина, без оглед на тоа дали тој ќе добие виза.
Харадинај за време на средбата со 120 студенти од Виена и Венеција, кои престојуваат во Приштина во рамките на студиска програма за демократизација и човекови права, рече дека верува во САД и уверен е дека ќе продолжат довербата и поддршката што Америка му ги дава на Косово од 1999 година, пренесе „Газета експрес“ во онлајн-изданието.
Косовскиот премиер претходно потврди дека САД го одбиле неговото барање за виза и дека тој ни годинава нема да може да присуствува на традиционалниот молитвен појадок во Вашингтон.
Приштинските медиуми тврдат дека Харадинај е одбиен бидејќи не се согласува да ги укине стопроцентните такси на производите од Србија и Босна и Херцеговина. Инаку, ова е втора година по ред како барањето на Харадинај за виза во САД е одбиено.
На почетокот на јануари минатата година САД го одбија неговото барање за виза кога во парламентот беше поведена иницијатива за отповикување на одлуката за формирање специјален суд за воени злосторства.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Претседателката на Хашкиот трибунал: Ратко Младиќ добива медицинска нега на високо ниво

Претседателката на Меѓународниот кривичен трибунал во Хаг, Грасиела Гати Сантана, денес пред Советот за безбедност на ОН во Њујорк изјави дека генералот Ратко Младиќ добива медицинска нега на „високо ниво“ во притвор.
Младиќ отслужува доживотна казна затвор за геноцидот во Сребреница и воените злосторства против муслиманите и Хрватите за време на војната во Босна и Херцеговина од 1992 до 1995 година.
Поднесувајќи го својот редовен извештај за работата на Трибуналот, Сантана ги информираше земјите-членки на Советот за безбедност дека одбраната на Младиќ неодамна побарала тој да биде ослободен од хуманитарни причини поради неговата неизлечива болест.
Регион
Син до смрт ја претепал мајка си во Никшиќ: ја удирал жената по главата, нозете и рацете

Службеници на Одделот за безбедност во Никшиќ го уапсиле С.Г. (59) поради сомнение дека ѝ нанел тешки телесни повреди на својата мајка М.Г. во семејниот стан во Никшиќ. (85), како резултат на што таа починала.
– На 10 јуни 2025 година, дежурната полициска служба била известена од персоналот на Општата болница во Никшиќ дека кај нив е донесена жена со повреди на главата. М.Г. веднаш била префрлена во Клиничкиот центар на Црна Гора, каде што починала денес, пренесува Рина“изјава од полицијата.
За случајот веднаш бил известен државниот обвинител на Вишото државно обвинителство во Подгорица, кој наредил да се спроведе истрага во станот каде што живееле заедно мајката и синот.
Полицијата утврдила дека С.Г. ѝ нанел повеќекратни повреди на рацете, нозете и главата на мајката. Лекарите ги окарактеризираа повредите како тешки, опасни по живот.
За новите околности бил информиран надлежниот обвинител, кој утврдил дека овој случај содржи елементи на кривично дело – тешко убиство. С.Г. бил уапсен по наредба на обвинителот.
Обвинителот наредил и обдукција на телото на починатата, која ќе се изврши во текот на денот.
Регион
Ученик од седмо одделение приведен во Србија: донел нож и список за отстрел во училиште

Ученик од основното училиште „Јован Стерија Поповиќ“ во Нов Белград е однесен во полиција на разговор, објави српски Блиц.
Се сомнева дека вчера во училиштето донел список за убивање и нож.
Момчето е испрашувано од полицијата по наредба на Вишото јавно обвинителство во Белград, а се вели дека станува збор за ученик во седмо одделение.
Сите околности на инцидентот сè уште се утврдуваат, а деталите не се познати.