Хрватка е осудена на 10 години затвор, поради убиство на нејзиниот невенчан сопруг. Дваесет и осумгодишната Слаѓана Бркиќ, била во поодмината бременост кога го избодела до смрт својот партнер, 46-годишниот Дејан Сливар пред очите на неговите деца. По приведувањето таа се породи во затворската болница и единствена жена која што родила бебе во притвор во Хрватска.

Пресудата е донесена денеска од страна на советот на окружниот суд во Вараждин. Според судот, таа со нож долг 16 сантиметри двапати го избола во градите својот партнер, кој искрварил до смрт. Оваа ужасна сцена се одвивала пред очите н децата на Дејан од неговиот прв брак. 14-годишниот син на Дејан се обидувал да го спаси својот татко и да го сопре неговото крварење. Но не успеал. Татко му починал на неговите раце.

Ужасното убиство го видела и неговата ќерка, која е петто одделение. Другата ќерка, која е прва година во средно училиште, во тој момент не била дома.

Убиството се случило на 15 февруари во нивната семејна куќа кај Копривница. Покрај затроската казна, на Слаѓана и е изречена и мерка за задолжително психијатриско лекување.

Бебето кое што го роди во притвор е згрижено од страна на Центарот за социјална работа, додека грижата за децата на Дејан ја преземал неговиот брат.