Регион
Хрватската претседателка тврди дека на улиците на Загреб нема бездомници

Хрватската претседателка, Колинда Грабар-Китаровиќ, која живее и работи во Загреб, денеска се сретна со градоначалникот Милан Бандиќ. Претседателката даде изјава за медиумите на Загрепскиот велесаем каде, меѓудругото, тврдеше дека на улиците на Загреб – нема бездомници.
Еден новинар ја праша претседателката дали има слушнато нешто ново за Загреб, нешто што досега не го знаела.
„Знам многу работи затоа што живеам тука и се сретнувам со градоначалникот, меѓутоа слушнав многу податоци, особено за социјалните бенефити. Гледате дека низ улиците на градот, за разлика од многу градови, нема бездомници. Загреб на бездомниците им обезбеди покрив над главата” , рече претседателката Колинда Грабар-Китаровиќ.
Секому што се движи пеш во Загреб наместо да се вози во колона од блиндирани возила е јасно дека, во најмала рака, тоа не е точно. На дел од бездомниците навистина им е обезбеден покрив над главата, но тврдењето дека на улиците на Загреб нема бездомници е едноставно лажна, според хрватски „Индекс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Министерство за внатрешни работи на Србија: Дачиќ примил плик со три куршуми во него

Српското Министерство за внатрешни работи соопшти дека вчера во зградата на Владата на Република Србија е пронајден плик адресиран до вицепремиерот и министер за внатрешни работи Ивица Дачиќ, во кој имало три куршуми.
Сомнителната пратка е откриена вчера за време на безбедносна проверка на рендгенски уред при сортирање на пошта. Истрагата утврдила дека пликот бил предаден два дена претходно во филијалата на Поштата на Србија во Пожаревац.
Полицијата го идентификувала и го пронашла лицето кое го доставило пакетот, а истрагата за сите околности на настанот е во тек.
Министерството соопшти дека ги презема сите законски пропишани мерки и дејствија со цел да се заштити безбедноста на граѓаните и институциите.
Фото: принтскрин
Регион
Четиригодишно дете од Србија за малку ќе се удавело на Халкидик: уапсен таткото

Четиригодишно момче од Србија за малку ќе се удавело вчера на плажа на Халкидик, а полицијата го уапси таткото по инцидентот, пренесуваат медиумите во регионот.
Вистинската драма се одвиваше вчера попладне на плажата Калитеа, во општина Касандра, кога четиригодишно момче од Србија речиси ќе се удавело додека беше на одмор со своето семејство во Грција.
Според крајбрежната стража, откога на четиригодишното момче му беше укажана прва помош од спасувач на плажата, тоа беше пренесено со брзата помош првин во Здравствениот центар – Касандра, а потоа во Општата болница на Халкидик за понатамошен медицински третман.
Потоа полицијата го уапси таткото на момчето за прекршување на член 306 од Кривичниот законик. Не е познато дали детето било само во водата во времето на инцидентот.
Фото: принтскрин
Регион
Бебе старо 7 дена пронајдено покрај контејнер во Белград

Во раните утрински часови во Земун, на улицата Дунавска, покрај контејнер, пронајдено е новороденче. Како што дознава српски „Телеграф“, станува збор за бебе старо само седум дена.
Детето било завиткано во пешкир, а по пристигнувањето на брзата помош, покажувало знаци на живот. Веднаш било пренесено во Клиничката болница Земун, каде што му била укажана медицинска помош.
Повеќе информации засега не се познати.
фото: принтскрин