Регион
Хрватски научник: Коронавирусот е ослабнат
Ги имаме речиси сите индикации дека постојната варијанта на коронавирусот е послаба, вели хрватскиот доктор и научник Драган Приморац, член на Владиниот научен совет за борба со пандемијата на коронавирус.
Тој во гостување на ХТВ посочи дека денес знаеме многу повеќе за вирусот и сме многу посигурни како да се однесуваме.
„Според бројните показатели, се разбира, лекарите секогаш се претпазливи бидејќи не сакаат популацијата да се опушти, ги имаме речиси сите индикации дека постојната варијанта на вирусот е послаба и дека значително помалку луѓе развиваат посериозни компликации отколку во февруари“, рече Приморац во емисијата на „Добро утро Хрватска“.
Тој додаде дека состојбата е приближно таква на сите континенти. „Бројот на пациенти на респиратори во земјите што ги набљудувам е драстично намален“, додаде тој.
Приморац рече дека вакцината што ја развила „Модерна“ е во втора клиничка фаза која завршува многу добро и дека покажала дека кај голем број испитаници нивото на антитела е речиси идентично или повисоко од нивото на антитела развиени од луѓе кои преку природен контакт се заразиле со Ковид-19. „Тоа е феноменална вест“, кажа тој.
Сепак, додаде Приморац, треба бидеме претпазливи затоа што во 2012 година беше развиена вакцина за САРС и животните на кои беа извршени експериментите покажаа екстремно висок развој на антитела, но сепак починаа поради оштетување на белите дробови и црниот дроб.
Приморац, исто така, рече дека мора да бидеме одговорни и оптимисти затоа што човечкото тело има огромна сила што не смееме да ја негираме.
Драган Приморац (1965), хрватски доктор и универзитетски професор, е експерт за судска генетика. Тој во моментов е претседател на Комитетот за меѓународни односи на Американската академија за форензички науки и е претседател на Меѓународното здружение за применета биолошка наука (ИСАБС). Тој е претседател на хрватското друштво за човечка генетика, хрватското здружение за персонализирана медицина, хрватскиот кластер за конкурентност за персонализирана медицина и на Управниот одбор на Специјалната болница Св. Катарина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.
Регион
Лекари во Загреб вградиле мозочен стимулатор на маж со Паркинсонова болест : „Може да вози велосипед, да плива“
Уште еден голем успех на хрватските лекари. Тим хирурзи во болницата Дубрава прв во овој дел од Европа вгради мозочен стимулатор. Пред еден месец новата технологија ја примил загрепчанец кој поради Паркинсоновата болест речиси станал неподвижен.
„Поентата на таа електрода е што стимулира дел од мозокот и на тој начин ја подобруваме клиничката слика, а батеријата освен што стимулира, купува и информации од тој дел од мозокот што го стимулираме и на тој начин можеме да ги подобриме симптомите“, изјави неврохирургот Фади Алмахарик за RTL.
Во КБ Дубрава изминативе 24 години се врши длабока мозочна стимулација, но првиот пациент беше опериран со оваа најнова технологија на крајот на март. Станува збор за 67-годишен загрепчанец со Паркинсонова болест, кој сега е пуштен на домашно закрепнување.
„Во договор со неврологот, стимулацијата се вклучува, терапијата се намалува, пациентот веднаш по вклучувањето на стимулацијата покажува знаци на моторно подобрување. Беше отпуштен дома на физикална терапија и дополнително прилагодување на стимулацијата“, изјави неврохирургот Марина Рагуж.
Веднаш штом ги отстранивме шевовите по 10 дена, почнавме со стимулација и денес пациентот може да вози велосипед, да плива, да се врати на своето секојдневие“, вели хирургот.