Регион
Хрват уапсен во Германија – го убил брата си со мачета

Хрватски државјанин (30) е уапсен во четвртокот недалеку од Минхен под сомнение дека со мачета го убил неговиот три години постар брат, соопшти баварската полиција.
Полицијата и службите за итни случаи добиле повик рано наутро од жител на зграда во Емеринг, кој слушнал расправија и трескање од соседниот стан. По пристигнувањето на екипата за брза помош, во бањата во соседниот стан бил пронајден 33-годишен маж, кој имал смртни повреди и медицинскиот тим повеќе не можел да му помогне.
Полицијата веднаш го обезбедила местото на настанот, со цел да се пронајдат траги на местото на настанот. Истражителите наскоро заклучиле дека 33-годишникот бил убиен од неговиот брат.
„Според досегашниот развој на истрагата, криминалистичката полиција претпоставува дека започнала расправија меѓу браќата, при што помладиот брат му нанел смртоносни повреди со мачета на постариот брат“, соопшти полицијата, истакнувајќи дека не можат да дадат информации за можниот мотив за злосторството.
„Осомничениот, 30-годишен хрватски државјанин, беше уапсен на местото на настанот и, по предлог на Државното обвинителство во Минхен, беше изведен пред надлежниот истражен судија, кој му изрече мерка притвор. Осомничениот потоа беше однесен во истражен затвор”, наведува полицијата.
Телото на убиениот е пренесено на Институтот за судска медицина во Минхен, каде што ќе се изврши обдукција.
Осомничениот работел во локален супермаркет, тврдат германските медиуми. Наводно, во неколку наврати тој се обидел да го извади својот постар брат од пеколот на дрогата, но безуспешно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Силен земјотрес во близина на Крит: ги вознемири жителите на островот

Силен земјотрес денес го погоди подрачјето во близина на брегот на Крит.
Епицентарот на земјотресот се наоѓа 31 километар источно-североисточно од Закрос на овој остров, објавува грчкиот „Прототема“.
Земјотресот се случил во 20:46 часот по грчко време, а сеизмичкиот потрес имал јачина од 5 степени според Рихтеровата скала, според Геодинамичкиот институт.
Длабочината на која се наоѓал епицентарот на земјотресот била 7,8 километри, објавуваат медиумите.
Регион
(Видео) Невреме во Србија: превртен камион, откорнати дрвја, поплавени улици

Силно невреме, проследено со јак ветер и дожд, денес зафати делови од Србија.
Само во Белград, ветерот собори дрвја и гранки на повеќе од 50 локации.
На социјалните мрежи беа објавени бројни видеа од паднати дрвја и скршени гранки.
Силниот ветер што дуваше во Нови Сад собори дрво.
Силен ветер дуваше и во Белград, а повремено имаше врнежи проследени со грмотевици.
Силна бура го погоди и Зрењанин.
Ветрот кршеше гранки од дрвјата, а поради дождот, водата остана на патиштата.
Налети на ветер превртеа камион кај Зрењанин, според написите во медиумите од регионот.
Регион
(Видео) Големо невреме во Загреб, ветерот крши ролетни, урива дрвја

Голема промена на времето пристигна во Хрватска. Бура го погоди Загреб околу 10 часот наутро. Како што известуваат хрватските медиуми, ветерот дува силно и ги кине ролетните на куќите. Грми, врне и дува силно во целиот град.
Портокалова тревога е во сила за регионите Славонија, Истра, Кварнер и во Далмација, а жолта тревога е во сила за остатокот од Хрватска.
Температурите во делови од земјата ќе паднат за повеќе од 10 степени во споредба со вчера.