Регион
Црногорската новинарка Оливера Лакиќ меѓу 10-те храбри жени во светот
Црногорската истражувачка новинарка Оливера Лакиќ, која беше ранета минатата година пред нејзиниот стан, ја доби Меѓународната награда за храбри жени по избор на Стејт департментот на САД.
Лакиќ е четврта жена од Балканот која ја има добиено оваа награда, а пред неа наградите ги добија три жени во Косово – активистката Валдета Идризи (2008), новинарката Арбана Џара (2015) и извршената директорка на Центарот за рехабилитација на жртвите на тортура во Приштина, Ферида Рушити (2018).
Доделувањето на наградите за храбри жени од целиот свет ќе се одржи на 7 март во Вашингтон, а признание ќе добијат жени од целиот свет кои покажале исклучителна храброст и лидерство во застапувањето за мир, правда, човекови права, родова еднаквост и зајакнување на жените, ризикот и лична жртва, велат од Стејт департментот.
Во својата 16-годишна кариера во дневниот весник „Вијести“ Лакиќ добила репутација за угледен и почитуван новинар, кој истражува криминал и корупција, иако често и таа и нејзината ќерка биле цел на напади, а напаѓачите никогаш не се пронајдени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес го погоди Крит
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.
Регион
13-годишно девојче загина од гром на плажа на Халкидики
Трагичен настан се случи денеска на Халкидики кога 13-годишно девојче го загуби животот откако го удри гром.
Трагичниот инцидент се случил околу 16:30 часот кога девојчето било на плажата Посеиди, на песокот, а според првите информации полесно е повредена и нејзината мајка.
Времето на Халкидики денеска е лошо со обилни врнежи од дожд, пренесуваат локални медиуми.
Полициската управа Касандра води прелиминарна истрага за инцидентот, пишуваат грчките медиуми.
Регион
Додик: Има ли некој што може да ги тргне бошњачките политичари од погрешен воз
Претседателот на Република Српска, Милорад Додик денеска изјави дека кога ќе се качите во погрешен воз сите постојки се погрешни и праша дали има кој да ги извади бошњачките политичари од тој воз.
„Има ли некој што може да им објасни дека Боно Вокс и „U2“ никогаш повеќе нема да свират бесплатно во Сараево, а CNN ќе го емитува концертот? Дека веста за резолуцијата за Сребреница не е објавена во ниту еден светски медиум. Дека Босна и Херцеговина никому не му е важна, освен луѓето што живеат во неа“, напиша Додик на социјалната мрежа Икс.
Дваесет години, посочува, се обидува да им објасни, а тоа ќе го покаже на претстојната средба во Мостар.