Регион
Чавушоглу: Грција излажа за состанокот во НАТО и уште еднаш покажа дека не е за дијалог

Министерот за надворешни работи на Турција, Мевљут Чавушоглу, денеска изјави дека неговиот грчки колега негирал оти се согласил со предлогот на НАТО за безусловна средба поради тензиите во Источниот Медитеран, пренесува „Анадолија“.
„Треба да се посочи дека Грција излажа за генералниот секретар на НАТО, Јенс Столтенберг. Атина прво се согласи, а потоа рече дека не го сторила тоа. Всушност, Грција е таа што лаже, а не генералнуот секретар“, нагласи Чавушоглу.
Генералниот секретар на НАТО, Јенс Столтенберг, во четвртокот најави дека Турција и Грција се согласиле на технички преговори во НАТО за да го намалат ризикот од инциденти и несреќи во Источниот Медитеран.
„Грција уште еднаш покажа дека не е за дијалог“, рече Чавушоглу, посочувајќи дека неговиот грчки колега не го прифатил предлогот за средба без предуслови во врска со тензиите.
Тој исто така ја критикуваше Франција како земја која најмногу ја поттикнува Грција и побара да се стави крај на француските „хистерични дела“ поради кои земјата е предмет на потсмев.
Грција се противи на актуелно енергетско истражување на Турција во Источен Медитеран, обидувајќи се да ја оспори поморската турска територија врз основа на мали острови во близина на турскиот брег.
Турција – земјата со најдолго крајбрежје на Средоземното Море – испрати истражувачки бродови на својот континентален гребен, велејќи дека Турција и Турската Република Северен Кипар (ТРСК) имаат права во регионот.
Дијалогот за правично споделување на овие ресурси ќе биде добитен за сите страни, велат турските власти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео/Фото) Србите и Унгарците одржаа заедничка воена вежба

Србија и Унгарија одржаа заедничка воена вежба „Соседи 25“ со цел зголемување на нивото на соработка меѓу армиите на двете земји и размена на борбени искуства, соопшти српското Министерство за одбрана.
Вежбата се одржа на воениот полигон Пасуљанске ливаде со учество на припадници на Првата бригада на српската армија и 30-та механизирана бригада на Унгарија.
За време на повеќедневната вежба, војниците заедно ги вежбаа дејствата на единиците во тактички операции, вклучително и употребата на современи борбени возила, комуникациски системи и опрема за собирање и обработка на разузнавачки информации.
Ова е десетта заедничка вежба наречена „Соседи“ што ја спроведуваат вооружените сили на Србија и Унгарија.
Регион
Во Бугарија и Романија на сила црвен метео аларм поради обилни дождови

Во Бугарија и Романија на сила е црвен метео аларм поради обилни дождови. Обилните дождови продолжија да ја погодуваат Бугарија, што доведе до затворање на патишта, прогласување црвен метео аларм во неколку области, а 51 населено место останаа без електрична енергија поради бурата. Надлежните органи го интензивираат надзорот над сите мостови и инфраструктура што е потенцијално оштетена од поплавите, пишува денес „Новините“. Службениците предупредија дека секоја локација што е изложена на ризик ќе биде веднаш затворена.
Граѓаните се повикуваат да бидат внимателни, да избегнуваат патувања и да ги следат упатствата на надлежните служби. Бугарскиот национален институт за метеорологија и хидрологија прогласи црвен метео аларм, највисоко ниво на предупредување, за осум области каде што се очекуваат повеќе од 65 литри дожд на квадратен метар, пренесува Танјуг.
Во исто време, властите објавија дека Бугарија ќе побара помош од Европскиот фонд за солидарност за погодените места поради предизвиканите штети.
Метеоролозите во Романија денес го продолжија црвениот временски аларм поради предвидените обилни врнежи од дожд за пет области и градот Букурешт со можност за врнежи до 140 литри на квадратен метар.
Според најновото предупредување на Романската национална метеоролошка управа (ANM), од 21 часот на 7 октомври до 15 часот на 8 октомври се очекуваат обилни врнежи од дожд во неколку области, пишува романската новинска агенција Аѓерпрес.
Фото: принтскрин
Регион
Убиен судија на Апелациониот суд, во судница во Тирана

Судијата Астрит Каљаја беше убиен денес во Апелациониот суд во Тирана додека траеше рочиштето.
Напаѓачот, засега непознат, влегол во судницата и го застрелал Каљаја, кој бил однесен во болница каде што му била пружена медицинска помош, објавува „Албанија пост“.
На местото на настанот, според медиумот, има бројни полициски сили, кои веднаш го уапсиле осомничениот сторител, а како што се наведува, идентитетот на напаѓачот и мотивите на нападот засега се непознати.
Судијата Астрит Каљаја служел со години во албанскиот судски систем, а неодамна во Апелациониот суд во Скадар.
Тој го поминал процесот на верификација во 2019 година, каде што бил потврден на функцијата од Независната квалификациска комисија, а потоа и од Специјалниот жалбен панел во 2022 година.
Фото: принтскрин