Регион
Нови четворица капачи се удавија во грчките мориња

Четири нови смртни случаи во грчките мориња се забележани денеска, а бројот на удавени капачи во Грција секојдневно се зголемува, пишуваат грчките медиуми.
63-годишен грчки државјанин утрово бил извлечен во бессознание од морскиот реон „Трокантеро“ Итеа во Фокида.
Во друг инцидент во месноста Плаз Авлаки Порто Рафти, 78-годишен граѓанин е извлечен од морето во бессознание. Првично му била укажана прва помош од спасителот и медицинската сестра на плажа, а потоа со возило на Итна помош бил пренесен во Здравствен дом, каде била констатирана смрт.
Во морската област „Трипити“ во Лименарија, на Тасос е регистрирана уште една смрт на капач, при што жртвата е 82-годишна странска државјанка, која утрово била извадена од морето во бессознание, по што е констатирана смрт.
Последната жртва е 67-годишен странец кој бил извлечен во бессознание, напладне, од морскиот предел на плажата Ливрихиу, Аркица. Телата на жртвите се предадени на обдукција заради утврдување на причините за смртта.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Ужас во Јагодина: Внук ги заклал бабата и дедото и избегал

Двојно убиство се случило во близина на Јагодина. Според првичните информации М.М. (39) ги заклал бабата Р.Ж. (76) и дедото Р.М. (79) и избегал. Неофицијално, убиството се случило во селото Богава, општина Деспотовац, а телата на сопружниците биле пронајдени рано утрово во семејната куќа.
Полицијата е на местото на настанот и во тек е истрага, а пристигнати се и обвинителот на Вишото јавно обвинителство во Јагодина.
Регион
Шеќеринска: НАТО нема да дозволи безбедносен вакуум во БиХ

Заменичката на генералниот секретар на НАТО, Радмила Шеќеринска, денес изјави дека алијансата нема да дозволи безбедносен вакуум во Босна и Херцеговина, откако српскиот лидер Милорад Додик објави дека ќе побара од Москва да ја прекине воената мисија ЕУФОР во таа земја.
Шеќеринска изјави дека НАТО е „трајно посветен на суверенитетот и територијалниот интегритет на Босна и Херцеговина“.
Таа додаде дека НАТО нема да дозволи дестабилизација во Босна и Херцеговина, соопшти канцеларијата на бошњачкиот член на колективното претседателство на Босна и Херцеговина, Денис Беќировиќ, кој се сретна со претставничката на НАТО.
„Без оглед на исходот од претстојната седница на Советот за безбедност на ООН, НАТО нема да дозволи безбедносен вакуум во Босна и Херцеговина“, рече Шеќеринска.
Регион
Албанска министерка го разреши својот заменик поради непочитување на забраната за пушење

Министерката за внатрешни работи на Албанија, Албана Кочиу, го разреши својот заменик поради непочитување на забраната за пушење во ресторан во САД, објавува „Спутник“.
Таа потврди на социјалните мрежи дека го сторила тоа врз основа на пријавата на албански државјанин кој живее во Њујорк, каде што бил во посета нејзиниот заменик Анди Махила. Како што изјави, тој пушел цигара во ресторанот „што предизвикало немир кај присутните“.
Албана Кочиу е првата жена на чело на полицијата во историјата на Албанија, а во претходната влада беше министерка за здравство.
Фото: принтскрин