На територијата на Вараждинската жупанија во Хрватска, голем број припадници на полицијата и други служби пронајдоа закопани две новороденчиња.

„Ексхумацијата е во тек врз основа на полициската истрага. Тоа семејство не е од тука, се преселиле овде, па ни се непознати. Не знам како полицијата ги добила овие сознанија или детали од истрагата. Полицијата ги има сите информации и ќе видиме што навистина се случило, дали причината за смртта е неухранетост или нешто друго“, изјави началникот во телефонски разговор.

Наводно станува збор за доселеници во општината, а телото на првото доенче било пронајдено во дворот на нивната семејна куќа.

Медиумите јавуваат дека семејството е приведено.

Нестабилен Балкан не е во ничиј интерес и сега Балканот треба да има поголем приоритет отколку што беше случај за време на првиот мандат на Доналд Трамп, изјави Џон Болтон, поранешен советник за национална безбедност на Доналд Трамп.

„Во вашиот регион имате многу важни надворешни фактори, кои се мешаат во внатрешните работи на државата. Ризикот од понатамошна нестабилност е голем за што придонесува и војната во Украина. Дејствата на администрацијата на Трамп не се гаранција дека таму ќе има успех, особено што Европската Унија досега беше целосно неуспешна. Она што треба да се потврди е дека нестабилен Балкан не е во ничиј интерес“, изјави Болтон.

Тој посочи дека лидерите на европските земји се нови личности, поинакви од претходните, како и дека во Европа има многубројни предизвици, меѓу кои се изборите во Романија, изборите во Германија, кои ќе следуваат, и како што Болтон истакнува: „Макрон е во неволја“.

„Во однос на соработката на Трамп со овие нови лидери, тој смета дека ако има добри лични односи со нив, тоа е од значителна корист, што звучи поедноставено. „Ќе биде неопходно да се соработува со новите европски лидери, што нема да биде лесно “, рече Болтон.

Тој потсети дека Трамп најави воведување царини за европските земји и оцени дека тоа ќе предизвика контрареакција, а тоа отвора можност за предизвикување трговска војна, која може да има значителни економски последици за САД и Европа.

„Трамп посочи дека ќе воведе царини од 10 до 20 отсто за европските земји и 60 отсто за Кина. Тоа може да предизвика војна во меѓународната трговија“, посочи Болтон.

Според него, Ричард Гренел, кој беше избран за американски пратеник во руско-украинската војна, имал аспирации да биде назначен за државен секретар како искусен дипломат и човек од доверба на Трамп, тој бил пратеник за Балканот и амбасадор во Германија.

„На Трамп ќе му требаат помалку совети во вториот мандат и бидете сигурни дека тој ќе одлучи за ова, како и за сите други клучни позиции. Трамп нема да се потпира на советите на соработниците, туку ќе очекува неговиот персонал да ги спроведе неговите одлуки“, нагласи Болтон.

Тој посочи дека претседателот на Соединетите Американски Држави во заминување, Џозеф Бајден, може да има значително влијание на две области до крајот на мандатот, а тоа се Украина и Блискиот Исток.

„Договорот со Украина да може да користи софистицирано оружје со долг дострел длабоко на руска територија требаше да биде одобрен пред три години. Сепак, администрацијата на Бајден немаше анализа или стратешки пристап за решавање на овој проблем. Целосната цел на воениот ангажман во Украина би бил обновување на суверенитетот и територијалниот интегритет на оваа земја“, рече Болтон.

Тој додаде дека верува оти нема бргу и лесно решение за украинскиот конфликт, како и дека не верува оти Вашингтон ќе му даде поголема помош на Киев до крајот на мандатот на Бајден.

„Ако Трамп не биде успешен во своите мировни напори во Украина, тој ќе ја префрли одговорноста за тоа на Зеленски или Путин, не на себе“, рече Болтон додавајќи дека Трамп, всушност, сака да стави крај на војните на Блискиот Исток и во Украина што е можно побргу, а тоа можеби имплицира дека тој не е толку загрижен за тоа како ќе завршат овие војни колку за запирање на конфликтите.

Тој додаде дека во политичките кругови на власта постои мислење дека на американските претседателски избори Иран застана против Трамп, а Русија застана зад него.

„Иранците изразуваат загриженост дека Трамп ќе заземе цврст став кон Техеран, а друга линија на размислување е дека тој нема да биде толку строг кон Иран како во првиот мандат“, рече Болтон.

Тој посочи дека ако војната на Блискиот Исток продолжи, може да се очекуваат посилни санкции против Иран, како и дека се очекува Трамп да воведе санкции за Хутите во Јемен, кои Иран ги снабдува со оружје.

„Целта е да се обезбеди слободна морска пловидба низ Суецкиот Канал, кој Хутите го блокираа веќе една година. Решението на ова прашање не треба да се занемари и се верува дека Трамп ќе преземе соодветни мерки. Трамп сака војните да завршат што е можно побргу“, заклучи Болтон.

Противпожарните служби, Јужноегејскиот регион и општина Родос остануваат во состојба на подготвеност за справување со проблемите предизвикани од невремето „Бора“. Како што е најавено, наскоро ќе започне процесот на евидентирање на штетата со цел да се обештетат повредените.

Според снимките на АНТ1 направени на островот, реката во Халисос и натаму е надојдена, продолжувајќи ги маките на жителите, чии животи се урнаа пред нивни очи и го изгубија целиот стекнат имот. Според извештајот, на Лимнос не врне дожд во последните неколку часа, а жителите на островот се обидуваат да спасат што можат по разорните поплави.

Κακοκαιρία “Bora”: Οι καταστροφές και η επόμενη ημέρα σε Ρόδο και Λήμνο (βίντεο) https://t.co/D2zhiY43c7 #ant1news #κακοκαιρία_bora #κακοκαιρία #Ροδος #Λήμνος pic.twitter.com/ltVBwFCAJQ

— Ant1news.gr (@AntennaNews) December 3, 2024

Вонредна состојба за Родос и Лемнос прогласи генералниот секретар на Министерството за климатски кризи и цивилна заштита на барање на градоначалникот. На Лемнос е прогласена вонредна состојба во општинските единици Мирина, Ацики и Неа Кутали. Сите училишта низ островот остануваат затворени во вторник.

Rhodes devastated by Storm Bora! 💔 Unprecedented rainfall caused major road damage, triggering a traffic ban. More rain expected. Stay safe, Rhodes! #Rhodes #Greece #StormBora #flooding @SouthAegeanRegion pic.twitter.com/fr2hsHIsh7

— Greek City Times (@greekcitytimes) December 1, 2024

Поради силните ветрови и врнежите, оштетени се многу инфраструктури, куќи и патишта. Големи количини на врнежи се забележани на Халкидики поради лошото време. Патиштата се претворија во реки, поплавени се бројни куќи и продавници, а некои места целосно покриени со кал.

Главниот пат на Ситонија на повеќе места беше непристапен поради одрони и дрвја кои паднаа на коловозот. Во Торони беа поплавени околу 200 куќи, а противпожарната служба во текот на претходната ноќ спаси 17 лица. Во меѓувреме, мостот кај Торони се урна, поради што сообраќајот беше запрен, а возачите мораа да го заобиколат полуостровот.

Маж чиј идентитет не е соопштен починал во Ситонија, Халкидики, откако неговиот автомобил влетал во канал и останал таму со часови, човекот бил беспомошен, а на крајот починал од хипотермија, јавуваат грчките медиуми.

Несреќниот маж, кој е една од трите регистрирани жртви на невремето „Бора“ што ја зафати Грција, прогласен е за починат утринава кога бил пренесен во болница, јавува Parapolitika.gr.

Локален жител го пронашол човекот жив. Како што изјави тој, човекот му кажал дека автомобилот се излизгал и излетал од патот. Мештанинот го однел дома, но бидејќи несреќникот се чувствувал лошо повикал брза помош. Подоцна мажот починал од хипотермија на пат кон болницата.