Регион
Шоферот на албанскиот министер се самоубил, тврди Обвинителството
Албанското јавно обвинителство и полицијата соопштија дека по извршената истрага е утврдено дека шоферот на албанскиот министер за внатрешни работи, Фатмир Џафај и припадник на националната гарда на Албанија, Шкелзен Ќордаја (31) извршил самоубиство.
Според информациите на Обвинителството, по извршената задача за пренесување на министерот Џафај дома пред два дена, Ќордај не заминал дома, туку со двајца негови другари до утринските часови бил во една кафана во Тирана. Утрото околу 5 часот тој со својот автомобил влегол во гаражата на Гардата, каде што го извршил и самоубиството. Тој доставил само една порака упатена до неговата мајка во која и побарал само извинување, се наведува во изваштајот на надлежните институции.
Сепак, опозицијата тврди дека е наместено убиство, а не самоубиство , бидејки како што пишува печатот близок на опозицијата во Албанија, пред неколку дена шоферот имал несогласувања со министерот. Поради тоа, опозицијата тврди дека ,,убиениот гардист и шофер на министерот“ е убиен бидејки знаел многу работи за министерот.
Министерот Џафај е на мета на опозицијата за штои имаше и протести, бидејќи опозицијата смета дека семејството на министерот е блиско со големите шверцери со дрога. Братот на министерот Агрон Џафај во Италија е осуден на 7 години затвор за организиран шверц со дрога.
К.М.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дојава за бомба во два трговски центри во Белград
Два трговски центри во Белград денеска добиле дојава за бомба, пишува „Евроњуз Србија“.
Дојавата за подметнати бомби пристигнала во 13 часот во трговскиот центар „Биг“ во Карабурба и во трговскиот центар „Милениум“. Непознати лица нешто по 13 часот пријавиле дека во трговските центри била поставена експлозивна направа.
Во моментот во тек е евакуација на посетителите во овие трговски центри.
Регион
Опозициските политичари во Албанија запалија столчиња пред парламентот во знак на протест поради апсењето на нивниот колега
Албанските опозициски политичари запалија куп дрвени столчиња пред Собранието во знак на протест поради апсењето на нивниот колега.
На почетокот на редовната собраниска седница пратениците од опозицијата ги извадија столчињата од собраниската сала и ги запалија на скалите од зградата.
Припадниците на службата за безбедност брзо го изгаснале пожарот.
Апелациониот суд на Албанија во петокот ја потврди пресудата на понискиот суд со која Ервин Салијани, член на опозициската Демократска партија, беше осуден на една година затвор.
Понискиот суд го прогласи Салијани за виновен за „лажна пријава“ против поранешниот министер за внатрешни работи. Салијани ја негираше вината и рече дека судењето е политички мотивирано.
Претходно овој месец, водачот на Демократската партија Сали Бериша, кој е во домашен притвор од декември, беше обвинет за корупција за дејствија што ги презел додека бил премиер од 2005 до 2013 година. Бериша, исто така, ја негира вината.
Демократската партија повика на голем протест во главниот град Тирана на 7 октомври.
Регион
(Видео) Дунав поплави село во Србија: До него се стигнува само со брод
Рибарско викенд село кај Сомбор е поплавено поради покачувањето на нивото на реката Дунав и единствен начин да се стигне до селото е со брод.
Водата ги поплави викендичките до висина на прозорците.
View this post on Instagram
– Во ова викенд одморалиште нема струја и во моментов се стигнува само со брод – пишува во описот на видеото објавено на Инстаграм.
Се наведува и дека ваков вид поплави годинава се случуваат по трет пат и дека мештаните се навикнати секогаш да бидат први на удар.