Регион
Ѓукановиќ се обрати до јавноста

Околу полноќ, четири часа по затворањето на избирачките места, лидерот на ДПС во Црна Гора, Мило Ѓукановиќ им се обрати на граѓаните. Тој на своите приврзаници во седиштето на ДПС во Подгорица им порача дека партијата ќе ги признае сите изборни резултати, но ќе ги чека конечните информации од Државната изборна комисија.
Разликата помеѓу двете првопласирани сили е толку тенка што еден глас во идниот собраниски состав може да го донесе потребното мнозинство за формирање влада.
„Ќе почекаме да видиме кој ќе го има тој 41-ви глас“, рече Ѓукановиќ, додавајќи дека неговата партија ќе остане непоколеблив борец за европската иднина на Црна Гора.
Тој објави дека ДПС, врз основа на резултатите од парламентарните избори на 90 проценти од пребројаните гласови, има 30 мандати, а со традиционалните партнери – 40, еден помалку од потребниот за тесно мнозинство.
Сепак, тој вели дека „борбата за мнозинството сè уште трае“.
„Врз основа на преброени 145.000 гласови, ДПС освои 30 места во црногорскиот парламент“, рече Ѓукановиќ, додавајќи дека тие имаат 40 места со традиционалните партнери.
Наспроти ДПС се три опозициски коалиции: „За иднината на Црна Гора“ предводена од Демократскиот фронт (ДФ), „Мирот е нашата нација“ предводена од демократите Алекса Бечиќ и „Црно на бело“ на Дритан Абазовиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ и Путин ќе се сретнат во Кина

За време на посетата на Кина, претседателот на Руската Федерација, Владимир Путин, ќе се сретне со претседателот на Србија, Александар Вучиќ, изјави за медиумите помошникот на рускиот претседател, Јуриј Ушаков.
Путин ќе биде во Кина од 31 август до 3 септември, а ќе присуствува и на церемониите по повод 80-годишнината од крајот на Втората светска војна, како и на неколку билатерални средби.
Регион
Уапсена е мајката која го оставила бебето во Белград: било заврзано во кеса

По наредба на Вишото јавно обвинителство во Белград, полицијата ја уапси А.С. (2006), мајка за која постои сомнение дека го оставила своето седумдневно бебе покрај контејнер во Земун, пренесува „Блиц“.
Жената според медиумот е обвинета за обид за тешко убиство.
Бебето го пронашол случаен минувач околу 8:20 часот утрово. Било завиткано во крпи и врзано во кеса.
Според Маја Миладиновиќ, жената што го пронашла бебето, новороденчето тивко плачело, дека нејзиниот крик звучел како „мјаукање“.
– Го шетав кучето како секое утро по улицата Дунавска во Земун кога забележав дека нешто се движи зад контејнерот. Мислев дека лази, но кога се приближив видов дека е бебе. Бебето едвај дишеше и беше сино – вели таа.
Според неа, бебето било завиткано во пешкир.
Како што објави „Блиц“, детето било оставено зад контејнерот, меѓу грмушки и на куп ѓубре.
Екипата за итни случаи го транспортирала бебето во породилиштето во Земун, пишува Танјуг.
Фото: принтскрин
Регион
Министерството за внатрешни работи на Србија: Дачиќ примил плик со три куршуми во него

Српското Министерство за внатрешни работи соопшти дека вчера во зградата на владата на Република Србија е пронајден плик адресиран до вицепремиерот и министер за внатрешни работи, Ивица Дачиќ, во кој имало три куршуми.
Сомнителната пратка е откриена вчера за време на безбедносна проверка на рендгенски уред при сортирање пошта. Истрагата утврдила дека пликот бил предаден два дена претходно во филијалата на поштата на Србија во Пожаревац.
Полицијата го идентификувала и го пронашла лицето што го доставило пакетот, а истрагата за сите околности на настанот е во тек.
Министерството соопшти дека ги презема сите законски пропишани мерки и дејства со цел да се заштити безбедноста на граѓаните и на институциите.
Фото: принтскрин