Со 86 потписи од вкупно 90 пратеници во понеделникот во словенечкиот парламент е предадено барање за одржување референдум за ратификување на арбитражната спогодба меѓу Хрватска и Словенија.

Со 86 потписи од вкупно 90 пратеници во понеделникот во словенечкиот парламент е предадено барање за одржување референдум за  ратификување на арбитражната спогодба меѓу Хрватска и Словенија.

Сега парламентот има рок од седум дена за да распише референдум на кој словенечките граѓани ќе се определат дали ја поддржуваат собраниската ратификација, односно арбитражната спогодба која на 4 ноември минатата година ја потпишаа хрватскиот премиер Јадранка Косор и словенечкиот премиер Борут Пахор.

Хрватскиот парламент веќе ја има ратификувано спогодбата.

Референдумот би се одржал на 6 јуни, а на него Словенците би одговарале на референдумското прашањето „Дали сте ЗА да се примени закон за ратификација на арбитражната спогодба меѓу Владата на Република Словенија и Владата на Република Хрватска што парламентот го прифати на 19 април 2010 година?“

Словенечкиот премиер Пахор смета дека арбитражната спогодба е добро решение и тврди дека арбитражата на Словенија ќе и ја потврди нејзината позиција дека има територијален пристап на море, опозицијата смета дека арбитражата е ризична и дека треба откажување од неа и отворање на нови билатерални преговори со Хрватска.

Доколку би се случило граѓаните на референдум да ја поништат ратификацијата, парламентот повеќе не би можел да одлучува по тоа прашање се до следната година./крај/хн/бд