Регион
По железничките, ќе се здружуваат и екс-југословенските авиокомпании?

По создавањето на заедничката железничка компанија на Слвоенија, Хрватска и Србија, навјеројатно претстои и слична активност во авионскиот сообраќај од поранешните југословенски држави, вели српскиот државен секретар Миљковиќ
Веќе е најавено дека од 31 октомври годинава српската авио-компанија ЈАТ ќе воспостави партнерски однос со црногорската копанија Montenegro Airlines, со што двете компании ќе ја зголемат бројката дестинации кон кои ќе летаат од аеродромите во Белград, Ниш, Подгорица и Тиват, а за сметка на тоа ќе може да ги намалат цените на билетите и да станат поконкурентни.ЈАТ и Montenegro Airlines заедно имаат 22 авиони, од кои 14 се српски и осум се црногорски. Српскиот државен секретар за авио-сообраќај, Миодраг Миљковиќ изјави дека договорот за заедничкото користење на авионите меѓу двете компании е извонреден потег и дека би било добро на ваквата стратегија да и се придружат и авиотранспортерите од другите поренешни југословенски републики .„Тоа е нешто што се случува секаде во светот во овој моментм имајќи ја предвид глобалната економска криза, која особено се одрази врз авио-сообраќајот“, вели Миљковиќ за агенцијата Танјуг, ритоа откривајќи дека веќе биле водени разговори со некои компании од регионот.Српскиот државен секретар нагласува дека заедничкиот однос мора да биде мотивиран од финансиските причини и желбата патниците да добијат подобри услови за летање и пониски цени. Миљковиќ како приемр за ваквото здружување ги набројува звдружувањето на Air France и холандската KLM, на Iberia и British Airways, како и неодамнешното здружување на двата најголеми американски авиотранспортери.Миљковиќ го изложува мислењето дека на српската и црногорската авиокомпанија најмногу им одговараат компаниите од Хрватска и од Словенија, бидејќи тие во своите аеро-флоти имаат авиони на „Airbus“ и „Canadaier“.Тој нагласува дека со придружувањето на авиокомпаните од регионот би можел да се направи „воздушен мост“ за кој се зборува од поодамна, до кој сите би имале полза.„Тогаш би настапувале кон големите авиокомпании како единтсвен систем“, вели Миљковиќ нагласувајќи дека пред се мисли на Lufthansа, американските компании и превозниците од Далекиот исток.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Албанска министерка го разреши својот заменик поради непочитување на забраната за пушење

Министерката за внатрешни работи на Албанија, Албана Кочиу, го разреши својот заменик поради непочитување на забраната за пушење во ресторан во САД, објавува „Спутник“.
Таа потврди на социјалните мрежи дека го сторила тоа врз основа на пријавата на албански државјанин кој живее во Њујорк, каде што бил во посета нејзиниот заменик Анди Махила. Како што изјави, тој пушел цигара во ресторанот „што предизвикало немир кај присутните“.
Албана Кочиу е првата жена на чело на полицијата во историјата на Албанија, а во претходната влада беше министерка за здравство.
Фото: принтскрин
Регион
Улиците во Белград оштетени за време на воената парада

Јавното комунално претпријатие Белград (ЈКП) доби наредба денес да излезе на терен и да започне со поправка на патиштата оштетени за време на воената парада „Силата на единството“ во саботата во српскиот главен град.
Членови на кабинетот на српскиот министер за одбрана и Секторот за инфраструктура и стандардни услуги вчера ја посетија рутата на парадата со претставници на Град Белград, Јавното комунално претпријатие Путеви Београда и ЈКП Белград за да ја утврдат штетата предизвикана за време на подготовките и одржувањето на парадата.
На жителите на Белград претходно им беше ветено дека сè ќе биде вратено во првобитната состојба, објавува Нова.рс.
Во саботата во Белград се одржа воена парада насловена како „Силата на единството“, на која учествуваа околу 10.000 војници. На парадата присуствуваа претставници на српскиот државен врв, предводени од претседателот Александар Вучиќ.
фото: принтскрин
Регион
Милановиќ: Луѓето на водечките позиции, особено во Европа, работат многу лошо

„Времињата во кои живееме денес се депресивни и не се добри. Луѓето што се на лидерски позиции, особено во Европа, работат многу лошо и воопшто не се на ниво на задачата. Некои работи се нерешливи, а начинот на кој се решаваат води кон понатамошен антагонизам и евентуално војна“, рече хрватскиот претседател Зоран Милановиќ во неделата вечерта во Њујорк.
Споредувајќи го времето на Студената војна со денешната ситуација, Милановиќ потсети дека тогаш било исклучително тешко и дека се потребни голема концентрација за разни луѓе да седнат и да разговараат за важни прашања.
„Во последните дваесет години сè е нарушено, безбедносната архитектура на светот, особено на западниот свет и на северната хемисфера, повеќе не постои“, рече тој и додаде дека денес живееме во тешки времиња и затоа мора да се погледнеме себеси, нашата работа и нашите интереси и да видиме дека не се истакнуваме премногу во сојузите во кои сме – НАТО и Европската Унија“.
Зборувајќи за ситуацијата во ЕУ и улогата на Хрватска, Милановиќ нагласи: „За жал, работите не функционираат онака како што требаше. Не мислам на привремени и повремени пласмани на пари што доаѓаат во Хрватска за претежно непродуктивни проекти и работи што нема да ја направат Хрватска технолошка сила и нема да ја направат побогата земја. Но, подобро е да го имаме тоа бидејќи кога ќе престане, ќе имаме нови сериозни предизвици. Денес, Хрватска мора да биде лојална на сојузите во кои е членка и мора да ги почитува обврските што ги презела, но исто така никогаш не смееме да дозволиме да бидеме вовлечени во комбинации и авантури што не сме ги кроеле бидејќи тоа не е солидарност. Никој не може да го бара тоа од нас и нема да го добие, според мене“.
Осврнувајќи се на војната во Газа, Милановиќ изјави: „Можеме да се залагаме за признавање на Палестина. Велат дека нема многу да се промени. Па, нема, но некои работи треба да се решат за да се продолжи понатаму. Светот нема да биде подобар и поубав, секогаш ќе биде исполнет со кризи, дефекти и недостатоци и ние мора да се приспособиме на тоа“.
Фото: принтскрин