Во сите држави од западен Балкан, поголемиот дел од граѓаните сакаат да станат дел од Европската Унија освен во Хрватска

Поддршката на Хрватите за влез во Европската Унија падна на најниското ниво во историјата, пишува дописникот на Jutarnji list од Брисел, повикувајќи се на истражувањето на Balkan Monitor кое во среда ќе биде официјално претставено во Брисел. Дури 43 отсто од населението би гласале против влез во Унијата доколку има референдум, а за членство би биле 38 отсто од испитаниците. „Хрватска е единствената држава од Балканот која во моментов преговара за влез во ЕУ, а токму нејзините граѓани најмногу се противат на тоа. Косово е единствената држава која нема никакви формални договорни односи , а тамошните граѓани најмногу посакуваат влез во Унијата“. Дури 87 отсто од жителите на Косово сакаат нивната земја да стане дел од европското семејство“, пишува „Јутарњи лист“ од Брисел. Иако во ЕУ сметаат дека Хрватска ќе стане полноправна членка на заедницата кон крајот на 2012 или почетокот на 2013 година, сепак, истражувањето покажува дека Хрватите сметаат дека тоа ќе се случи најрано во 2014 година. Албанија доби негативен извештај од Европската Комисија (ЕК) а сепак Албанците веруваат дека нивната земја ќе стане дел од Унијата во 2014 г.