Регион
Давутоглу: Поттик за поширока интеграција, наместо поделби на Балканот

Министерот за надворешни работи на Турција, Ахмет Давутоглу оцени дека земјите од Балканот не се само соседи кои живеат едни покрај други, туку „дека се семејство со густи општествени и културни врски“.
Министерот за надворешни работи на Турција, Ахмет Давутоглу оцени дека земјите од Балканот не се само соседи кои живеат едни покрај други, туку „дека се семејство со густи општествени и културни врски“. „Овој регион е како чорба и ќе биде вкусен само доколку му се додадат сол и сите други состојки. Доколку било која состојка не биде додадена, чорбата нема да биде вкусна“, наведе Давутоглу во авторски текст кој денеска го објави сараевскиот весник „Дневни аваз“, и додаде дека никој не смее да размислува за протерување на население или егзил на поединци.„Мораме да развиеме повеќе регионални иницијативи, да ја засилиме соработката и да развиеме начини и средства за решавање на проблемите. Затоа, историски чекор може да се нарече трилатералниот механизам помеѓу Турција, Србија и Босна и Херцеговина“, наведува Давутоглу. Тој дополни дека „никој во деведесеттите години не можел да замисли дека Турција и Србија ќе работат заедно“, и дека покренувањето на мултилатерални процеси ќе го отвори патот кон пошироки иницијативи. Давутоглу порача дека дваесеттиот век, бил век на поделби и политичките лидери мора да бидат насочени кон креирање на дваесет и првиот век, како век на реинтеграција во регионот на Балканот. Тој порача дека иднината на регионот е во Европската унија, но и дека иднината на Европа исто така ќе биде обликувана од иднината на Балканот. Давутоглу нагласи дека оваа година, и годините кои доаѓаат, ќе бидат историска пресвртница за развој на нови пристапи во регионалната соработка на Балканот и ја понуди помоштта на Турција во проектот на одбележувањето од 100-годишнината од Балканските војни, кои би можеле да го носат името „Од балкански војни до балкански мир“. крај/dnevni avaz.ba/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Претседателката на Хашкиот трибунал: Ратко Младиќ добива медицинска нега на високо ниво

Претседателката на Меѓународниот кривичен трибунал во Хаг, Грасиела Гати Сантана, денес пред Советот за безбедност на ОН во Њујорк изјави дека генералот Ратко Младиќ добива медицинска нега на „високо ниво“ во притвор.
Младиќ отслужува доживотна казна затвор за геноцидот во Сребреница и воените злосторства против муслиманите и Хрватите за време на војната во Босна и Херцеговина од 1992 до 1995 година.
Поднесувајќи го својот редовен извештај за работата на Трибуналот, Сантана ги информираше земјите-членки на Советот за безбедност дека одбраната на Младиќ неодамна побарала тој да биде ослободен од хуманитарни причини поради неговата неизлечива болест.
Регион
Син до смрт ја претепал мајка си во Никшиќ: ја удирал жената по главата, нозете и рацете

Службеници на Одделот за безбедност во Никшиќ го уапсиле С.Г. (59) поради сомнение дека ѝ нанел тешки телесни повреди на својата мајка М.Г. во семејниот стан во Никшиќ. (85), како резултат на што таа починала.
– На 10 јуни 2025 година, дежурната полициска служба била известена од персоналот на Општата болница во Никшиќ дека кај нив е донесена жена со повреди на главата. М.Г. веднаш била префрлена во Клиничкиот центар на Црна Гора, каде што починала денес, пренесува Рина“изјава од полицијата.
За случајот веднаш бил известен државниот обвинител на Вишото државно обвинителство во Подгорица, кој наредил да се спроведе истрага во станот каде што живееле заедно мајката и синот.
Полицијата утврдила дека С.Г. ѝ нанел повеќекратни повреди на рацете, нозете и главата на мајката. Лекарите ги окарактеризираа повредите како тешки, опасни по живот.
За новите околности бил информиран надлежниот обвинител, кој утврдил дека овој случај содржи елементи на кривично дело – тешко убиство. С.Г. бил уапсен по наредба на обвинителот.
Обвинителот наредил и обдукција на телото на починатата, која ќе се изврши во текот на денот.
Регион
Ученик од седмо одделение приведен во Србија: донел нож и список за отстрел во училиште

Ученик од основното училиште „Јован Стерија Поповиќ“ во Нов Белград е однесен во полиција на разговор, објави српски Блиц.
Се сомнева дека вчера во училиштето донел список за убивање и нож.
Момчето е испрашувано од полицијата по наредба на Вишото јавно обвинителство во Белград, а се вели дека станува збор за ученик во седмо одделение.
Сите околности на инцидентот сè уште се утврдуваат, а деталите не се познати.